01 Aug 2021, 08:34
ބޮލީވުޑްގައި މަސައްކަތްކޮށްފައިވާ ޒުވާން ބަތަލާ ޖިއާ ޚާންގެ މަރުގެ މައްސަލަ ސީބީއައި ކޯޓަކުން ބަލަން ނިންމައިފިއެވެ.
ބަތަލާ ޖިއާ މަރުވީ 2013 ވަނަ އަހަރު އޭނާގެ އުމުރުން 25 އަހަރުގައެވެ. ދަންޖެހިގެން އޭނާ މަރުވިކަަމަށް އޭރު ނިންމި ނަމަވެސް ޝައްކުވާ ޒާތުގެ ގިނަ ކަންތައްތަކެއް ހުރުމުގެ ސަބަބުން އެ މައްސަލަ އަލުން ބަލަން ފެށިއެވެ. އަދި ފަހުން އެ މައްސަލަ ސީބީއައިގެ ސަމާލުކަމަށް ގެނެސް ސީބީއައި އިން އެ މައްސަލަ ތަހުގީގުކުރަން ފެށިއެވެ.
އާމިރު ޚާންގެ "ގަޖްނީ" އިން ވިދާލި ޖިއާ މަރުވިއިރު އޭނާގެ ލޯބިވެރިޔާ އަކީ "ހީރޯ" ފިލްމުން ބޮލީވުޑަށް ތައާރަފްވި ސޫރަޖް ޕަންޗޯލީއެވެ.
ޖިއާ މަރުވެފައި ހުއްޓާ ފެނުނީ ޖުހޫގައި އޭނާ ދިރިއުޅޭ ގޭތެރެއިން އޭނާގެ މަންމަ އަށެވެ. ތިނެއް ޖޫން 2013 ގައި ޖިއާ މަރުވިއިރު އޭނާގެ ސުއިސައިޑް ނޯޓުގައި ސޫރަޖްގެ ނަން އޮތުމުން އަދި އޭނާގެ މައްޗަށް ޝައްކުކުރެވުމުން ސޫރަޖް އެމަހުގެ 10 ވަނަ ދުވަހު ހައްޔަރުކޮށްފައެވެ. ނަމަވެސް ކަލާފާތުގެ ދަށުން އޭނާ ވަނީ ޖުލައި މަސްތެރޭ ދޫކޮށްލާފައެވެ.
ބަތަލާ ޖިއާ ޚާންގެ މަރުގެ ވާހަކަތަކަށް މެދުކެނޑުމެއް އައި ނަމަވެސް އޭނާގެ ވާހަކަތައް އަނެއްކާވެސް މާ ގަދަޔަށް ދެކެވުމުން އައީ އެކްޓަރު ސުޝާންތު ސިންހް ރާޖްޕުތްގެ މަރާއެކުގައެވެ.