19 Nov 2021, 18:34
މާލޭގެ މަގެއްގެ މަތިން ހިނގާފައިދިޔަ އަންހެނަކަށް ޖިންސީ ފުރައްސާރަކުރި ޒުވާނަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މި މައްސަލައާ ގުޅުވައިގެން ފުލުހުންގެ ބެލުމުގެ ދަށަށް ގެންގޮސްފައިވަނީ އުމުރުން 20 އަހަރުގެ ދިވެހި ފިރިހެނެކެވެ.
ފުލުހުންގެ މީޑިއާ އޮފިޝަލް "ސަން"އަށް ވިދާޅުވީ މަގުތިން ހިނގާފައިދިޔަ އަންހެނަކަށް، މީހަކު ޖިންސީ ފުރައްސާކުރި މައްސަލައެއް މިއަދު ހެނދުނު 10:52ގައި ހުށަހަޅާފައިވާ ކަމަށެވެ.
މި މައްސަލައިގައި ޖިންސީ ފުރައްސާރަ ރައްދުވި، އަންހެންމީހާ ވަނީ އެ މައްސަލަ ހިނގައިދިޔަ ގޮތް ސޯޝަލް މީޑިއާގައި ވެސް ހިއްސާ ކޮށްފައެވެ. އޭނާ ބުނެފައިވަނީ އެކަން ހިނގީ އޮފީހަށް ދިޔަ މަގުމަތީގައި ކަމަށެވެ.
ފުލުހުން ވަނީ އެ މައްސަލަ އިތުރަށް ތަހުގީގުކުރަމުންދާ ކަމަށް ބުނެފައެވެ.