11 Feb 2022, 01:00
އެމްޑީޕީގެ ޕީޖީ ލީޑަރުގެ މަގާމުގެ އިންތިޚާބު މި މަހު ބޭއްވުމަށާއި، އަދި ޗެއާޕާސަންގެ މަގާމާއި، އިތުރު ހަތަރު މަގާމަކަށް އޭޕްރީލް މަހު މީހުން އިންތިޚާބުކުރަން އެ ޕާޓީގެ ގައުމީ މަޖިލީހުން ފާސްކޮށްފިއެވެ.
އިސްކަންދަރު ސްކޫލްގައި މިރޭ ބޭއްވި އެމްޑީޕީގެ ގައުމީ މަޖިލީހުގެ ހަތަރު ވަނަ ދައުރުގެ ދެ ވަނަ ޖަލްސާގައި މާލޭ ސިޓީގެ ރައީސް ޝިފާ މުހައްމަދު ވަނީ ގަމު ދާއިރާގެ ރައީސް އަދި އިކޮނަމިކް މިނިސްޓަރު ފައްޔާޒް އިސްމާއިލްގެ ތާއީދާއެކު ހުށަހަޅުއްވާފައެވެ. އަދި އެ ހުށަހެޅުން ފާސްކުރީ މުޅި ގައުމީ މަޖިލީހުގެ އިއްތިފާގުންނެވެ.
ޝިފާ ހުށަހެޅުއްވީ އެމްޑީޕީގެ ޕާލަމެންޓްރީ ގްރޫޕްގެ އިންތިޚާބު މި މަހުގެ 28 ވަނަދުވަހު ބޭއްވުމަށެވެ. އަދި އޭޕްރީލް މަހުގެ 16 ވަނަ ދުވަހު ޗެއާޕާސަން ހޮވުމުގެ އިންތިޚާބާއި، އަންހެނުންގެ ރޫހާއި ޒުވާނުންގެ ހިތްވަރުގެ އިންތިޚާބު ބާއްވަން އޭނާ ހުށަހެޅުއްވިއެވެ.
މީގެ އިތުރުން ޕާޓީގެ އެތެރޭގެ ކޮންގްރެސްއެއް ބާއްވަން ވެސް ޝިފާ ހުށަހެޅުއްވިއެވެ. އޭނާ ހުށަހެޅުއްވީ އޮގަސްޓު މަހުގެ ހަތަރު ވަނަ ދުވަހު އެ އިންތިޚާބު ބޭއްވުމަށްށެވެ.
މީގެ އިތުރުން، އެމްޑީޕީގެ އަސާސީ ގަވައިދުގައި ބަޔާންކުރާ ހުރިހާ މަގާމެއް ވެސް އިންތިހާބީ މުއްދަތު ހަމަވުމުގެ ކުރިން އާދައުރަށް މީހަކު އިންތިޚާބު ކުރުމަށް ކުރަންޖެހޭ އެންމެހައި ކަންކަން ކުރުމަށާއި ދާއިމީ ނަތީޖާ ވެސް އިއުލާންކުރުމަށް ފާސްކޮށްފައެވެ.