29 Nov 2022, 10:15
ވޯލްޑްކަޕް މެޗުތަކުގެ ސްކޯ ދިމާކުރާ މީހުންނަށް ޚާއްސަކޮށްގެން ސަން އިން ކުރިއަށްގެންދާ "ސަން ވޯލްޑްކަޕް ފޯރި" ގައި މި އާދިއްތަ ދުވަހު ކުޅުނު ހަތަރު މެޗުގެ ސްކޯ ދިމާކުރި ނަސީބުވެރިން ހޮވައިފިއެވެ.
ވޯލްޑްކަޕް ފުޓްބޯޅަ މުބާރާތުގައި އާދިއްތަ ދުވަހަކީ ވެސް ފޯރިގަދަ މެޗުތަކެއް ކުޅުނު ދުވަހެކެވެ. އެ ދުވަހު ކުޅުނު ފުރަތަމަ މެޗުގައި ބައްދަލުކުރީ، ޖަޕާނާއި ކޮސްޓަރިކާއެވެ. ދެވަނަ މެޗުގައި ބެލްޖިއަމާއި މޮރޮކޯ ބައްދަލުކޮށްފައިވާއިރު، ތިންވަނަ މެޗުގައި ބައްދަލުކުރީ ކޮރޮއޭޝިއާއާއި ކެނެޑާއެވެ. އާދިއްތައިގައި ކުޅުނު މެޗުތަކުގެ ތެރެއިން އެންމެ ފޯރިގަދަ އަދި އެންމެ ވާދަވެރިކޮށް ދިޔަ މެޗަކީ ސްޕެއިންއާއި ޖަރުމަނު ބައްދަލުކުރި މެޗެވެ.
އިއްޔެ ކުޅުނު މެޗުތަކުގެ ސްކޯ ދިމާކުރުމަށް ވަރަށް ގިނަ މީހުން ވަނީ މެސެޖުކޮށްފައެވެ. ނަމަވެސް ބެލްޖިއަމްއާއި މޮރޮކޯ ބައްދަލުކުރި މެޗުގެ ސްކޯ އެއްވެސް މީހަކަށް ދިމާކުރެވިފައެއް ނުވެއެވެ. އެހެންކަމުން އެ މެޗުގެ ގުރުއަތެއް ނުނަގައެވެ.
ސްކޯ ދިމާކުރުމަށް މެސެޖުކުރި އެންމެންގެ މެދުގައި ގުރުއަތުލުން ކުރިއަށް ގެންގޮސްފައިވަނީ ސަންގެ ފޭސްބުކް ޕޭޖް މެދުވެރިކޮށް ވަގުތުންނެވެ.
ގުރުއަތު ނެގި ތިން މެޗުގެ ނަތީޖާ ދިމާކުރި މީހުން:
ޖަޕާން، ކޮސްޓަރިކާ: 7767372
ކޮރޮއޭޝިއާ، ކެނެޑާ: 7563931
ސްޕެއިން، ޖަރުމަނު: 7931344
"މެޗަކަށް ޕިއްޒާއެއް" ނަމުގައި ވޯލްޑްކަޕް މެޗުތަކުގެ ސްކޯދިމާކުރާ މީހުންނަށް ދިނުމަށް ކަނޑައެޅިފައިވާ އިނާމަކީ ލަވޭރާއިން ތައްޔާރުކުރާ ޕިއްޒާއެވެ. ގުރުއަތުން ހޮވޭ މީހުންނަށް އެމީހަކު ބޭނުން ވައްތަރެއްގެ ޕިއްޒާއެއް ލިބޭނެއެވެ.
"ސަން ވޯލްޑްކަޕް ފޯރި" މެޗުތަކުގެ ސްކޯ ދިމާކުރުމަށް އެސްއެމްއެސް ކުރާނީ SUN(SPACE)<team&score>-<team&score ފުރިހަމަ ކުރުމަށްފަހު 2747 އަށެވެ.
"ސަން ވޯލްޑްކަޕް ފޯރި" ގައި ކޮންމެ މެޗެއްގެ ސްކޯ ދިމާކުރާ މީހަކަށް ޕިއްޒާއެއް ލިބުމުގެ އިތުރުން ބެޑްރޫމް ސެޓެއް ލިބުމުގެ ފުރުސަތުވެސް އެބައޮތެވެ. ދަމާސް އިން ހުށަހަޅާފައިވާ މި އިނާމު ދިނުމަށް ހަމަޖެހިފައިވަނީ މުޅި ވޯލްޑްކަޕް ތެރޭގައި އެސްއެމްއެސް ކުރާ މީހުންގެ މެދުގައި ގުރުއަތު ނަގައިގެންނެވެ.
ބެޑްރޫމްސެޓް ބޭނުންވާ މީހުން އެސްއެމްއެސް ކުރާނީ: SUN(SPACE)BEDROOMSET ޖެހުމަށްފަހު 2747 އަށެވެ.
ވޯލްޑްކަޕް ފުޓްބޯޅަ މުބާރާތުގެ ފޯރި އިތުރުކުރުމުގެ ގޮތުން ސަން އިން ކުރިއަށްގެންދާ "ސަން ވޯލްޑްކަޕް ފޯރީ" ގެ ޓައިޓަލް ސްޕޮންސަރަކީ ރެޑްސްޓާއެވެ.