01 Jan 2023, 10:15
ކާމިޔާބު ތެލުގޫ ފްރެންޗައިޒް "ކޭޖީއެފް" އަދި ފިލްމު"އާރްއާރްއާރް"ގެ ޑައިރެކްޓަރު ޕްރަޝާންތު ނީލްގެ ކުރިއަށް އޮތް ފިލްމަށް އެކްޓަރު އާމިރް ޚާން ސޮއިކޮށްފައިވާކަމަށް ރިޕޯޓުތަކުން ބުނެފިއެވެ.
އާމިރް ޚާން އިތުރު ފިލްކަމަށް ސޮއިކުރިކަމުގެ ޚަބަރުތައް ފެންމަތިވެފައިވާއިރު އާމިރް ޚާން ވަނީ އެކްޓުކުރުމާ އެކަހެރިވެ ޢާއިލާއަށް ހުރިހާ ވަގުތެއް ހުސްކުރުމަށް ނިންމާ އެކަން ރަސްމީކޮށް އިޢުލާނު ވެސް ކޮށްފައެވެ.
މީޑިއާ ރިޕޯޓުތައް ބުނާގޮތުން އާމިރު ޚާންއަށް ހުށަހަޅާފައިވާ ފިލްމުން ދެން ފެނިގެންދާނީ ތެލުގޫ އެކްޓަރު އެންޓީއާރް ޖޫނިއާއެވެ. މި ފިލްމަށް ވަގުތީ ގޮތުން ދީފައިވާ ނަމަކީ، "އެންޓީއާރް 13"އެވެ.
މީޑިއާ ރިޕޯޓުތަކުން ބުނެފައިވަނީ މި ފިލްމުގެ މަސައްކަތް ފެށުމަށް ނިންމާފައިވަނީ ޑައިރެކްޓަރު ޕްރަޝާންތް ނީލް މިހާރު މަސައްކަތްކުރަމުން އަންނަ ފިލްމު "ސަލާރް"ގެ ޝެޑިއުލްތައް ނިންމާލުމަށްފަހުއެވެ.
ފިލްމު "ސަލާރް"އަކީ އެކްޓަރު ޕްރަބާސްއާއި ބަތަލާ ޝްރުތީ ހަސަން ލީޑް ރޯލްކުޅޭ ވަރަށް ވަރުގަދަ އެކްޝަން ފިލްމެކެވެ. ޕްރަޝާންތް ނީލްގެ "އެންޓީ އާރް31"ގައި ދައްކުވައިދޭނީ މީގެ 20 އަހަރުކުރިން ޑައިރެކްޓަރު ރާވާފައިވާ ޕްލޮޓަކަށް ތައްޔާރުކުރާ ވަރަށް ޝައުޤުވެރި ވާހަކައެކެވެ.
ފިލްމަށް އާމިރް ޚާން ސޮއިކުރިކަމަށް އެއްވެސް ރަސްމީ ފަރާތަކުން އަދި ކަށަވަރުކޮށްދީފައެއް ނުވެއެވެ.
ޑައިރެކްޓަރު ޕްރަޝާންތް ނީލްގެ ގިނަ އެކްޝަން ފިލްމުތަކަކީ، ބޮޑު ބަޖެޓަކުން އުފައްދާ ވަރަށް ވަރުގަދަ އެކްޝަން ސީންތަކެއް އެކުލެވޭ ފިލްމުތަކެކެވެ.
އާމިރް ޚާން އެންމެ ފަހުން ފެނިގެންދިޔައީ މިއަހަރުގެ އޯގަސްޓް މަހު ރިލީޒްވި ފިލްމު "ލާލް ސިންގް ޗައްޑާ"އިންނެވެ. ބަތަލާ ކަރީނާ ކަޕޫރާއެކު ލީޑް ރޯލްއިން ފެނިގެންދިޔަ މިފިލްމު ބެލުންތެރިންނަށް އެހާ މަޤުބޫލުފިލްމަކަށް ނުވެ މާގިނަ ދުވަސްތަކެއްނުވެ ނެޓްފްލިކްސްއިން ފިލްމު ސްޓްރީމް ކުރަން ވަނީ ފަށާފައެވެ.