10 Apr 2023, 23:22
އެކަޑަމިކް ކަލަންޑަރުގައި ކުރިން އީދު ބަންދަށް ކަނޑައަޅާފައިވާ ދުވަސްތަކުން އެއް ދުވަސް އުނިކުރުމަށް ފަހު އެޑިއުކޭޝަނުން މިއަދު އެކަޑަމިކް ކަލަންޑަރު އަލުން ނެރެފިއެވެ.
އެކަޑަމިކް ކަލަންޑަރު ކުރިން އޮތް ގޮތުން ފިތުރު އީދު ދުވަހާއި ގުޅިގެން އޭޕްރިލް މަހުގެ 24 ވާ ހޯމަ ދުވަސް ވެސް ބަންދުވެއެވެ. ނަމަވެސް މިހާރު ހަމަޖެއްސި ގޮތުން އީދު ބަންދަށް ފަހު އޭޕްރިލް މަހުގެ 24 ވާ ހޯމަ ދުވަހު ސްކޫލް ހުޅުވޭނެއެވެ.
ކުރިން މިކަމުގައި އެޑިއުކޭޝަނުން އަމަލުކުރަމުން އަންނަ ގޮތަކީ ހުކުރު ދުވަހެއް އީދަށް ވެއްޖެ ނަމަ ދެން އެންމެ އަވަހަށް އަންނަ ރަސްމީ ދުވަސް ބަންދު ދުވަހެއްގެ ގޮތުގައި ކަނޑައެޅުމެވެ.
އެކަޑަމިކް ކަލަންޑަރަށް ގެނައި މި ބަދަލާއެކު މިހާރު އީދު ބަންދު ދުވަސް ރަސްމީ ކަލަންޑަރާއި އެއްގޮތަށް ބަދަލުވީއެވެ.