22 Apr 2023, 11:33
އެސްއެސްނެޓްގެ ކަސްޓަމަރުންނަށް "ސަން ސިނަމާ"ގެ ނަމުގައި އައު ޚިދުމަތެއް ތައާރަފު ކޮށްފިއެވެ.
އެސްއެސްނެޓްގެ ސޭލްސް އެންޑް މާކެޓިން އެގްޒެކެޓިވް، މަރިޔަމް ނައުފާ ވިދާޅުވީ އީދު ދުވަހު މުޅިން އައު ޚިދުމަތެއް ތައާރަފް ކުރެވިފައިވާ ކަމަށާއި އެއީ އެސްއެސްނެޓްގެ ވީޑިއޯ އޮން ޑިމާންޑް ޚިދުމަތް ކަމަށެވެ.
އެސްއެސްނެޓްގެ ވީޑިއޯ އޮން ޑިމާންޑު ޚިދުމަތް، ސަން ސިނަމާގައި ހިމެނޭނީ ދިވެހި ފިލްމުތަކާއި ޑްރާމާތަކާއި ޕްރޮގްރާމްތަކާއި އެފަދަ އަމިއްލަ އުފެއްދުންތައް ކަމަށެވެ.
"ސަން ސިނަމާއިން ބޭނުން އިވެންޓެއް ބޭނުން ވަގުތެއްގައި ބަލާލެވޭނެ އެސްއެސްނެޓްގެ ކަސްޓަމަރުންނަށް،"
މި ޚިދުމަތް މިހާރު ދެނީ ހިލޭ ކަމަށް ނައުފާ ވިދާޅުވިއެވެ. އަދި އެސްއެސްނެޓްގެ ތިން ޕެކޭޖް ބޭނުންކުރާ ފަރާތްތަކަށް އެކި ޕެކޭޖަށް އެކި މިންވަރަށް ޚިދުމަތް ލިބޭނެކަމަށް އޭނާ ވިދާޅުވިއެވެ.
"މި ޚިދުމަތުގެ ތެރެެއިން މުޅިން އައު ފިލްމާއި ޑްރާމާ ފަދަ އުފެއްދުންތައް ކުރިއަށް އޮތްތަނުގައި ގެނެސްދެވޭނެ،" ނައުފާ އިތުރަށް ވިދާޅުވިއެވެ.
"މި ޚިދުމަތް އިތުރަށް ތަރައްގީކުރުން އަޅުގަނޑުމެންގެ ވިސްނުމަކީ. އެ ކަމަށް ޕްލޭންތަކެއް ހަދައިގެން ކުރިއަށް މި ދަނީ،"
ނައުފާ ވިދާޅުވީ މިހާރު އެސްއެސްނެޓްގެ އެއްވެސް ކަސްޓަމަރަކަށް ސަންސިނަމާގެ ޚިދުމަތް ލިބިވަޑައިނުގަންނަވާނަމަ ސިސްޓަމް ރީސްޓާޓް ކޮށްލުމުން އެ ޚިދުމަތް ލިބޭނެ ކަަމަށެވެ.
އެސްއެސްނެޓްގެ ޕެކޭޖްތައް:
• ލުއިވި – 39 ޗެނަލާއެކު މަހަކު 150 ރުފިޔާ
• ނަލަވި – 108 ޗެނަލާއެކު މަހަކު 350 ރުފިޔާ
• އެކުވި – 120 ޗެނަލާއެކު މަހަކު 450 ރުފިޔާ
ނައުފާ ވިދާޅުވީ އެސްްއެސްނެޓުގެ ޕެކޭޖްތަކުގެ އަގުތައް ހުންނާނީ ރާއްޖޭގައި ކޭބަލް ޓީވީގެ ޚިދުމަތްދޭ އެންމެ އަގުހެޔޮ ޕެކޭޖްތަކުގެ ގޮތުގައި ކަމަށެވެ.