18 May 2023, 09:36
ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ބަޔަކާ ދެކޮޅަށް ހިންގި އޮޕަރޭޝަނެއްގައި 13 މީހަކު ހައްޔަރުކޮށްފިއެވެ.
ހައްޔަރުކޮށްފައި ވަނީ ބަންގްލަދޭޝް އަށް ފިރިހެނުންނާއި ބަންގްލަދޭޝް އަންހެނެއްގެ އިތުރުން ތައިލެންޑްގެ ހަތަރު އަންހެނެކެވެ.
މި މީހުން ހައްޔަރު ކޮށްފައި ވަނީ ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓާއި އިންޓެލިޖެންސް އަދި އިމިގްރޭޝަން ގުޅިގެން ހިންގި މި އޮޕަރޭޝަނުގައި ރޭ މާލޭގެ ހަތަރު ތަނެއް ބަލައި ފާސްކުރުމުގެ ތެރޭގައެވެ.
ފުލުހުުން ބުނި ގޮތުގައި، މި އޮޕަރޭޝަނަކީ ރާވައިގެން ހިންގާ ކްރިމިނަލް ނެޓްވޯކަކާ ދެކޮޅަށް ހިންގި އޮޕަރޭޝަނެކެވެ.
މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
ހަށިވިއްކުމުގެ މައްސަލަތަކުގެ މައްސަލަތައް ފެންމަތިވަމުންދާއިރު، އެންމެ ފަހުން ފުލުހުން ބޭއްވި ނޫސްވެރިންގެ ބައްދަލުވުމުގައި ކޮމިޝަނާ އޮފް ޕޮލިސް، މުހައްމަދު ހަމީދު ވިދާޅުވީ، ފާއިތުވި ހަތަރު އަހަރު ހަށިވިއްކުމުގެ ޖުމްލަ 58 މައްސަލައެއް ތަހުގީގުކޮށްފައިވާ ކަމަށެވެ.