02 Feb 2024, 16:22
ދިރާގުން ސެމްސަންގް ގެލެކްސީ އެސް24، އެސް24 ޕްލަސް އަދި އެސް24 އަލްޓްރާ ރާއްޖޭގައި ލޯންޗުކޮށްފިއެވެ.
ދިރާގު ހެޑް އޮފީހުގައި ބޭއްވި ޚާއްޞަ ހަފުލާއެއްގައި ސެމްސަންގްގެ އެ ފޯނުތައް ޕްރީއޯޑަރު ކުރި ކަސްޓަމަރުންނަށް ވަނީ ފޯނު ހަވާލުކޮށްފައެވެ.
ސެމްސަންގް ގެލެކްސީގެ އެންމެ ފަހުގެ ފޯނުތައް ލޯންޗުކޮށްފައިވަނީ ސެމްސަންގް ސްރީލަންކާއާއި ރާއްޖޭގެ މެނޭޖިން ޑިރެކްޓަރު ސެންގްވާ ސޯންގް އަދި ދިރާގުގެ ޑިރެކްޓަރު، ބްރޭޏްޑް އެންޑް މާކެޓިން ކޮމިއުނިކޭޝަންސް، މުޙައްމަދު މިރްޝާން ހަސަންއެވެ.
އެ ހަފުލާގައި ސޯންގް ވަނީ، 2015 ވަނަ އަހަރުން ފެށިގެން ސެމްސަންގާއި ދިރާގާ ދެމެދު ގާއިމްކޮށްފައިވާ ޕާޓްނާޝިޕަށް އަލިއަޅުއްވާލައްވައިފައެވެ. އަދި ސެމްސަންގްގް ކަސްޓަމަރުން ރާއްޖޭގައި އިތުރުވަމުންދާކަން ފާހަގަކުރައްވައި އެންމެ ފަހުގެ ސެމްސަންގް ސްމާޓްފޯންތައް ރާއްޖެއަށް ގެނައުމަކީ އެ ކުންފުންޏަށް ލިބޭ ވަރަށް ބޮޑު އުފަލެއް ކަމަށް އޭނާ ވިދާޅުވިއެވެ.
ދިރާގުން ސެމްސަންގް އެސް24 މޮޑެލްތައް ލޯންޗުކުރުން -- ފޮޓޯ/ ދިރާގު
މިރްޝަން ވިދާޅުވީ ސެމްސަންގްއާއެކު ގާއިމުކޮށްފައިވާ ދެމެހެއްޓެނިވި ޕާޓްނާޝިޕަކީ ކަސްޓަމަރުންނަށް އެންމެ ރަނގަޅު ސްމާޓް ޓެކްނޮލޮޖީ ފޯރުކޮށްދީ، ޑިޖިޓަލް މުސްތަގުބަލުގައި އެ ފަރާތްތަކަށް ކުރިއަށް އެރުމަށް މަގުފަހިކޮށްދިނުމަށް ދިރާގުން ކުރަމުންދާ މަސައްކަތުގެ މުހިންމު ބައެއް ކަމަށެވެ.
މިދިޔަ ޖެނުއަރީ މަހުގެ ތެރޭގައި ދިރާގުން ވަނީ ޚާއްޞަ އޮފާއަކާއެކު ސެމްސަންގް ގެލެކްސީ ފޯނުތަކުގެ ޕްރީއޯޑަރަށް ހުޅުވާލާފައެވެ. އެގޮތުން ދިރާގުން ގަންނަ ކޮންމެ ފޯނަކާއެކު ކަސްޓަމަރުންނަށް 12 މަސް ދުވަހުގެ ނިޔަލަށް ކޮންމެ މަހަކު ފަސްޖީބީ ހިލޭ ބޯނަސް ޑޭޓާ ލިބޭނެއެވެ. މީގެ އިތުރުން ދިރާގު ކަސްޓަމަރުންނަށް ގެލެކްސީ އެސް24 ޕްލަސް އަދި އެސް24 އަލްޓްރާއާއެކު ހިލޭ ގެލެކްސީ ވޮޗް 6 ކްލަސިކްއެއް އަދި އެސް24އާ އެކު ހިލޭ ގެލެކްސީ ވޮޗްއެއް ލިބޭނެއެވެ.
ދިރާގުން ބުނި ގޮތުގައި އެ ކުންފުނިން އަބަދުވެސް ދަނީ އެންމެ ފަހުގެ ސްމާޓްފޯން ޑިވައިސްތައް ކަސްޓަމަރުންނާ ހަމައަށް ގެނެސްދީ، މިހާރަށްވުރެ ރަނގަޅު އަދި ފަސޭހަ ގޮތަކަށް ޓެކްނޮލޮޖީ މެދުވެރިކޮށް ކަސްޓަމަރުން ގުޅުވައި ދިނުމަށް މަސައްކަތް ކުރަމުންނެވެ.