05 Jul 2024, 22:07
ގޫގުލްގެ ގްރީންހައުސް ގޭސް ބޭރުކުރާ މިންވަރު ފާއިތުވި ފަސް އަހަރުގެ ތެރޭގައި 48 އިންސައްތަ އިތުރުވެފައިވާކަމަށް އެ ކުންފުނިން ހާމަކޮށްފިއެވެ.
ދަގާޑިއަން އިން ރިޕޯޓްކޮށްފައިވާ ގޮތުގައި މިދިޔަ އަހަރު އެކަނި ވެސް 13 އިންސައްތަ އިތުރުވެ، 14.3 މިލިއަން މެޓްރިކް ޓަނަށް ވަނީ އަރާފައެވެ.
މި އަދަދު އިތުރުވުމުގެ މައިގަނޑު ސަބަބުތަކުގެ ތެރޭގައި ޑޭޓާ ސެންޓަރުތަކުން ކަރަންޓު ބޭނުންކުރުމާއި ސަޕްލައި ޗެއިން އެމިޝަން ފަދަ ކަންކަން ހިމެނެއެވެ. 2030ވަނަ އަހަރާ ހަމައަށް ނެޓް ޒީރޯ އެމިޝަންއަށް ވާސިލުވުމުގެ އަމާޒަކީ ގޮންޖެހުންތަކަކަށް ވާނެ ކަމަށް ގޫގުލް އިން ގަބޫލުކުރާ އިރު، އޭއައިގެ ސަބަބުން މުސްތަގުބަލުގައި ތިމާވެއްޓަށް ކުރާނެ ނޭދެވޭ އަސަރުތަކާ މެދު އުފެދިފައިވާ ނުތަނަވަސްކަން ފާހަގަކޮށްފައިވެއެވެ.
އިންޓަނޭޝަނަލް އެނަރޖީ އެޖެންސީން ލަފާކުރާ ގޮތުގައި 2026ވަނަ އަހަރުގެ ނިޔަލަށް ޑޭޓާ ސެންޓަރުތަކުން ކަރަންޓު ބޭނުންކުރާ މިންވަރު ދެގުނައަށް އިތުރުވެދާނެކަމަށާއި، 2030ވަނަ އަހަރުގެ ނިޔަލަށް ދުނިޔޭގެ ހަކަތަ އުފެއްދުމުގެ 4.5 އިންސައްތަ އޭއައި އިން ބޭނުންކުރެވިދާނެކަމަށް ބުނެފައިވެއެވެ.
މައިކްރޮސޮފްޓް ފަދަ ޓެކްނޮލޮޖީގެ އެހެން ކުންފުނިތަކަށް ވެސް އޭއައި އޮޕަރޭޝަންތަކުން ހަކަތައިގެ ޑިމާންޑް ބޮޑުވުމުގެ ސަބަބުން ތިމާވެށީގެ ލަނޑުދަނޑިތައް ހާސިލްކުރުމުގައި އެފަދަ ގޮންޖެހުންތަކަކާ ކުރިމަތިލާން ޖެހެއެވެ.
ބޮޑެތި ޓެކް ކުންފުނިތަކުން ތިމާވެށީގެ ލަނޑުދަނޑިތައް ހާސިލްކުރުމަށް އިއާދަކުރަނިވި ހަކަތައަށް އިންވެސްޓް ކުރާއިރު، އޭއައި ތަމްރީނާއި ޑިޕްލޮއިމަންޓަށް ބޭނުންވާ ހަކަތަ އިގެ ބޭނުންތައް ފާހަގަކޮށްލެވެއެވެ.
އޭއައިގެ ސަބަބުން ތިމާވެއްޓަށް ކުރާ ނޭދެވޭ އަސަރު، ފެން ބޭނުންކުރުމަށް ބޭރުވާ މިންވަރަށްވުރެ ފުޅާވެ، އެއް ދިރާސާއަކުން އަންދާޒާކޮށްފައިވާ ގޮތުގައި 2027ވަނަ އަހަރާ ހަމައަށް އޭއައިއިން 6.6 ބިލިއަން ކިއުބިކް މީޓަރަށް އުފުލިގެން ދާނެއެވެ.
މި ހާލަތުން ފާހަގަކުރެވެނީ ޓެކް ކުންފުނިތަކުގެ މޫސުމީ ވައުދުތަކާއި އޭއައި ޑިވެލޮޕްމަންޓުގައި އެ ކުންފުނިތަކުގެ އެދުންތަކާ ދެމެދު އުފެދިފައިވާ ނުތަނަވަސްކަމެވެ.