02 Mar 2026, 14:04
އެމެރިކާއާއި މެކްސިކޯ އަދި ކެނެޑާ ގުޅިގެން އަންނަ ޖޫންމަހު ބާއްވަން ތައްޔާރުވާ ފީފާ ވޯލްޑްކަޕުގެ މެޗުތައް ކުޅެން އިރާނަށް ދެވޭނެކަމުގެ ޔަގީންކަމެއް ދެވެން ނެތްކަމަށް އިރާނުން ބުނެފިއެވެ.
ފުޓްބޯޅަ ފެޑަރޭޝަނުގެ ރައީސް މެހްދީ ތާޖް މިހެން ވިދާޅުވީ އެމެރިކާ އާއި އިޒްރޭލުން އިރާނަށް ހަމަލާދީ އެ ގައުމުގެ ރޫހީ ލީޑަރު އަވަހާރަކޮށްލުމުން ރައްދުގައި އިރާނުން ވެސް ހަމަދީ، ބޮޑެތި ކުރިމަތިލުންތަކެއް ކުރިއަށްދާ ދަނޑިވަޅެއްގައެވެ.
މުބާރާތުގެ ގްރޫޕް ފިޔަވަހީގައި އިރާނު ކުޅެން ހަމަޖެހިފައިވާ ތިން މެޗުވެސް ކުޅެން ހަމަޖެހިފައިވަނީ އެމެރިކާފައެވެ. އެއާއެކު މި ހާލަތުގައި އެމެރިކާއަަށް ދަތުރުކުރުން އެއީ ނުކުރާނެ ކަމެއްގެ ގޮތުގައި އެ ގައުމުން ބުނެއެވެ.
"އެންމެ މުހިންމު ކަމަކީ ކުޅުންތެރިންގެ ސަލާމަތާ ރައްކާތެރިކަން، މި ހަމަލާތަކާ ގުޅިގެން އުންމީދީ ގޮތަކަށް ކަންކަން ވެދާނެ މަންޒަރު ސިފައެއްނުވޭ" ތާޖް ވިދާޅުވިއެވެ.
އެމެރިކާގެ ޑޮނަލްޑް ޓްރަމްޕް ވަނީ އިރާނު ހިމެނޭހެން އެމެރިކާއަށް އެތެރެވެވޭނެ ގައުމުތަކުގެ ލިސްޓެއް އެކުލަވާލާފައެވެ. އެއާއެކު އިރާނުގެ ސަޕޯޓަރުންނަށް އެމެރިކާއަށް އެތެރެ ނުވެވޭނެއެވެ.
ދުނިޔޭގެ ފުޓުބޯޅައިގެ މައި ޖަމުއިއްޔާ ފީފާއިން މިކަމާމެދު ވަކިގޮތެއް ނުވަތަ ވަކި އެއްޗެއް ނުބުނެއެވެ
މީގެކުރިން އެމެރިކާގައި ބޭއްވި ވޯލްޑް ކަޕް ގުރު ނެގުމުގެ ރަސްމިއްޔާތަށް ވަޑައިގަތުމަށް އިރާނުގެ ފުޓްބޯޅަ ފެޑަރޭޝަނުގެ ރައީސަށް ވިސާ ހަމަޖައްސައި ނުދެވުނެވެ.