ސަން އަށް އެނގިފައިވާ ގޮތުގައި ފުލުހުން އެ ގެ ބަލަނީ މަސްތުވާ އެއްޗެހިތަކެއް އެގޭގައި ހުރި ކަމުގެ ތުހުމަތުގަ އެވެ. ފުލުން ފާސް ކުރަނީ ހެންވޭރު ރޯޝަނީ ހިނގުމުގައި ހުންނަ އެގޭގެ ދެ ވަނަ ބުރި އެވެ.

ފުލުހުން ބުނީ އެ ގެ ބަލައި ފާސް ކުރަނީ ބަނގުރަލާއި މަސްތުވާތަކެތި ގެންގުޅޭ ކަމަށް ތުޙުމަތުކުރެވިގެން ކޯޓު ޢަމުރެއްގެ ދަށުން ކަމަށެވެ. މިރޭ 8:15 އެހާކަންހާއިރު ފުލުހުން އެގެއަށް ވަދެ ޒުވާން ދެ ފިރިހެނުންނާއި އަންހެނަކު ހައްޔަރުކޮށްފައިވާ ކަމަށް ފުލުހުން ބުންޏެވެ.

ނަމަވެސް ހައްޔަރު ކުރި މީހުންގެ ވަނަވަރެއް ފުލުހުން އާންމެއް ނުކުރެ އެވެ. ހަމައެކަނި ފުލުހުން ބުނީ ޢުމުރުން 23 އަހަރުގެ އަންހެނަކާ ޢުމުރުން 24 އަހަރުގެ ފިރިހެނެއް އަދި ޢުމުރުން 27 އަހަރުގެ ފިރިހެނެއް ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

(ތަފްސީލު އަންނަނީ..)