11 May 2015, 13:52
މި ސަރުކާރުގެ ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ކުއްލިއްޔާގައި ކިޔަވައިދެއްވުމަށް ނިންމަވާފައިވާ ކަމަށް ވިދާޅުވެއްޖެ އެވެ.
ޝަހީމް ރޭ ކުރެއްވި ޓުވީޓެއްގައި ވިދާޅުވެފައި ވަނީ ކުއްލިއްޔާގައި އަންނަ ޖޫން މަހު އަލަށް ފަށާ "މާސްޓަރ އޮފް އިސްލާމިކް ޖުޑީޝަލް ސިސްޓަމް" ކޯހުގައި އޭނާ ކިޔަވައިދެއްވުމަށް ނިންމަވާފައިވާ ކަމަށެވެ.
Kulliya ah miadhu alhugandu ziyaaray kureemu, kulliya ga 20 june ga alah fash ( Master of Islamic Judicial Sytem) ga alhugandu kiyavadheynan
— د.محمد شهيم علي سعيد (@Mohamedshaheem1)May 10, 2015
ޝަހީމް ވިދާޅުވީ، އިސްލާމީ ކޮންމެ ހިދުމަތެއްގައި ރާއްޖެއަށާއި ރައްޔިތުންނަށްޓަކައި ވެވުނު އެންމެ މަތީ ދަރަޖައެއްގައި އެހީވެދެއްވާނެ ކަމަށެވެ.
Islami komme khidhumatheh ga raajjeyashaa rayyithunattakaa vevunu emme mathee dharajayga eheevaanan. Insha Allahpic.twitter.com/amLh2NnZBY
— د.محمد شهيم علي سعيد (@Mohamedshaheem1)May 10, 2015
އިސްލާމިކް މިނިސްޓަރުކަމުން ޑރ. ޝަހީމް އިސްތިއުފާ ދެއްވާފައި ވަނީ މިދިޔަ އަންގާރަ ދުވަހުގެ ވަގުތެއްގައެވެ. ޑރ. ޝަހީމަކީ އަދުގެ ސަރުކާރާ ދެކޮޅަށް އެތައް ވާހަކަތަކެއް ދައްކަމުން އަންނަ އަދާލަތު ޕާޓީގެ ވެސް މެމްބަރެކެވެ.
ޑރ. ޝަހީމް އިސްލާމިކް މިނިސްޓަރު ކަމުން އިސްތިއުފާ ދެއްވާފައި ވަނީ މިސަރުކާރުގެ ސިޔާސީ މަގާމުތަކުގައި ތިއްބެވި އަދާލަތު ޕާޓީގެ މެމްބަރުން އެ މަގާމުތަކުން އިސްތިއުފާދިނުމަށް އެ ޕާޓީގެ މަޝްވަރާ މަޖިލީހުން ފާސްކޮށް އެކަން އަންގައިފައި ވަނިކޮށެވެ.
ޝަހީމް އިސްލާމިކް މިނިސްޓަރު ކަމުން އިސްތިއުފާ ދެއްވުމުން އެ މަގާމަށް ރައީސް ޔާމީން ވަނީ ޑރ. އަހުމަދު ޒިޔާދު ބާގިރު އައްޔަންކުރައްވައިފައެވެ.
ޑރ. ޝަހީމް ކުރައްވާފައިވާ ޓްވީޓްގައި މިހާރުގެ އިސްލާމިކް މިނިސްޓަރަށް މަރުހަބާ ވެސް ވިދާޅުވެފައި ވެއެވެ.