17 May 2015, 22:37
މި ސަރުކާރުން އެއްވެސް ވިޔަފާރިވެރިއަކު ބާކީ ނުކުރާނެ ކަަމަށް އިކޮނަމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
ވިޔަފާރިތަކަަށް އެހީތެރިވެދިނުމުގެ ގޮތުން ރާއްޖޭގެ ހަތް ސަރަހައްދެއްގައި އެންޓަޕްރައިސް ޑިވެލޮޕްމެންޓް ސެންޓަރުތަކެއް ގާއިމުކުުރުމުގެ މަޝްރޫއާއި ބެހޭ ގޮތުން މިރޭ ހޮޓެލްގައި ޖެންގައި ވާހަކަދައްކަވަމުން ސައީދު ވިދާޅުވީ މި ސެންޓަރުގެ ބޭނުމަކީ ވިޔަފާރިތަކަށް ދިމާވާ ގޮންޖެހުންތައް ނައްތާލުން ކަމަށެވެ.
" މި ޕްރޮގްރާމް އަކީ ވަށާޖެހޭގޮތަށް މުޅި ގައުމު ހިމެނޭ ގޮޮތަށް ވިޔަފާރި އަށް އަލަށް ވަންނަ ފަރާތްތަކަށް ފަންނީ އަދި މާލީ އެހީތެރިކަން ފޯރުކޮށްދިނުން ކަމަށް ސައީދު ވިދާޅުވިއެވެ." މި ސެންޓަރުތަކުގެ ހިދުމަތްތައް ބަލައިގެނެ އެ ހިދުމަތް ހޯދުމަށްޓަަކައި ޒުވާން ޖީލަށް ދައުވަތު އަރުވާ"
ވިޔަފާރިތަަކަށް ޚާއްސަކޮށް އަލަށް ފަށާ ވިޔަފާރިތަކަށް އެހީތެރިވުމަށް ވަރަށް މިހާތަނަށް ނުއުފައްދާ ވަރުގެ ތަޖުރިބާކާރު ޕެނަލެއް އުފައްދާފައިވާ ކަމަށް މިނިސްޓަރު ވިދާޅުވިއެވެ. އެއާއެކު ރާއްޖެ އާއި މެދު އިންވެސްޓަރުންގެ އިތުބާރު ލިބެމުންދާކަމަށް ސައީދު ވިދާޅުވިއެވެ. މި އިތުބާރު ލިބިފައިވަނީ " ސަރުކާރުން ކުރެވޭ މަސައްކަތްތަކުގެ ސަބަބުން ނުވަތަ ގެނެވޭ މުހިއްމު ބަދަލުތަކުގެ ނަތީޖާގެ ސަބަބުން ކަަމަށް" ސައީދު ވިދާޅުވިއެވެ. އަދި އޭގެ ސަބަބުން ވަޒީފާގެ ފުރުސަތު އިތުރުވަމުންދާ ކަމަށް ސައީދު ވިދާޅުވިއެވެ.
ރާއްޖޭގެ ހަތް ސަރަހައްދެއްގައި ގާއިމުކުރާ ސެންޓަރުގެ ސަބަބުން މި ސަރުކާރުގެ އަމާޒަށް ވާސިލްވުމުގައި ދަތްޗެއް ނެތި ވާސިލް ވެވޭނެ ކަމަށް ވެސް މިނިސްޓަރު ސައީދު ވިދާޅުވިއެވެ.