18 May 2015, 09:25
ލިވާޕޫލްގެ ކެޕްޓަން ސްޓީވަން ޖެރާޑް 17 އަހަރަށްފަހު ލިވާޕޫލް ދޫކޮށްލާއިރު އޭނާގެ ފެއާވެލްގައި ދުނިޔޭގެ ފުޓްބޯޅައިގެ ގިނަ ފަރާތްތަކުން ޝޯޝަލް މީޑިއާ މެދުވެރިކޮށް އެކި ސްޓައިލްގެ ވަދާއީ މެސެޖްތައް ފޮނުވަމުން އެބަގެންދެ އެވެ.
މި ސީޒަނަށްފަހު އެމެރިކާގެ މޭޖާ ލީގްގެ އެލްއޭ ގެލްކްސީއަށް ބަދަލުވާ ޖެރާޑް ލިވަޕޫލްގެ ސީނިއާ ޓީމަށް ކުޅެން ފެށީ އޭނާގެ ޢުމުރުން އެންމެ 18 އަހަރުގައި 1998 ވަނަ އަހަރު އެވެ.
ޖެރާޑަކީ ލިވަޕޫލްގެ ޓީމުން އުފެއްދި އެ ޓީމްގެ ލީޑަރެވެ. މި ސީޒަނަށް ފަހު އޭނާ އެ ޓީމް ދޫކޮށްދާއިރު ފުޓްބޮޅައިގެ ދުނިޔޭގެ ގިނަ ފަރާތްތަކުން ދަނީ ޖެރާޑަށް ތައުރީފް ކުރަމުންނެވެ.
އެންމެ ފާހަގަކޮށްލެވޭ ގޮތަށް ޖެރާޑަށް ޓްރިބިއުޓެއް ފޮނުވާފައި ވަނީ އޭނައާއެކު ލިވަޕޫލަށް ކުޅެމުންދާ އަދި ދަނޑު މަތިގަޔާއި ދަނޑުން ބޭރުގައިވެސް އެންމެ އާދާޔާ ޚިލާފް ކަންތައްތަކެއް ކުރުމުގައި މަޝްހޫރުވެފައިވާ އިޓަލީގެ ހުނަރުވެރި ސްޓައިކަރ މަރިއޯ ބަލެޓޮލީއެވެ.
އެގޮތުން އޭނާ ވަނީ އޭނާގެ އަމިއްލަ އަތުން ލިޔެފައިވާ ލިޔުމެއް ފޮޓޯ ނެގުމަށްފަހު އިންސްޓަގުރަމް ކޮށްފަ އެވެ.
ޖެރާޑްގެ ފެއާވަލް ޚާއްސަކޮށް މާރިއޯ ބަލޮޓެލީ އޭނާގެ އަމިއްލަ އަތުން ލިޔެގެން ފޮނުވާފައިވާ މެސްޖްގެ ފޮޓޯއެއް --- ފޮޓޯ/ އިންސްތގްރަމް
މި ލިޔުމުގައި ބަލެޓޮލީ ބުނެފައި ވަނީ ޖެރާޑާއެކު ކުޅެން ފުރުސަތު ލިބުމަކީ އާދަޔާ ޚިލާފް ކަމެއް ކަމަށާއި ޖެރާޑާއެކު ކުޅެން ލިބުނު ފުރުސަތު ދުވަހަކު ވެސް ހަދާން ނުނެތޭނެ ކަމަށެވެ.
"ހިލޭ ޖެހުންތަކާއި ޕެނަލްޓީތައް ޖަހަން ތިބާއަށް ފުރުސަތު ދެވުމުން އަހަރެން އެކަމާ ވަރަށް ބޮޑަށް އުފާވޭ" ބަލޮޓެލީގެ މެސްޖް ގައި ބުނެފައިވެ އެވެ.
މާޒީ ހަދާންކޮށްދޭ ގޮތަށް މެސެޖެއް ފޮނުވާފައި ވަނީ ގާތްގަނޑަކަށް އަށް އަހަރު ވަންދެން ޖެރާޑާއެކު ލީވާޕޫލަށް ކުޅެފައިވާ ނޭވޭގެ ޤައުމީ ޓީމްގެ ކުރިގެ ޑިފެންޑާ ޖޯން އާން ރައިސްއެވެ.
ޖޯން އާން ރައިސް ހިއްސާ ކޮށްފައިވާ ފޮޓޯ --- ފޮޓޯ/ ބީބީސީ
މިހާރު ސައިޕްރަސް ލީގްގެ އޮޕޮލްއަށް ކުޅެމުންދާ އާންރައީސް ފޮނުވި މެސެޖްގައި ބުނެފައި ވަނީ ޖެރާޑަކީ ހަމައެކަނި ކުޅުންތެރިޔެއް ނުން ކަމަށާއި އެކަމަކު އޭނާއަކި ކުޅުންތެރިންތަކެއް ކަމަށެވެ. އަދި އާންރައިސްއާއެކު ކުޅުނު ކުޅުންތެރިންގެ ތެރެއިން އެންމެ މޮޅު ކުޅުންތެރިޔާ ކަމަށެވެ.
އެންމެ މަޖާ ގޮތަކަށް މެސެޖެއް ފޮނުވާފައިވަނީ މަޖާ މިޒާޖުގެ ކުޅުންތެރިޔެއްގެ ގޮތުގައި މަޝްހުރު ވެފައިވާ ޖޯސެފް އެންތޮނީ ނުވަތަ އޭނައަށް ނިސްބަތްކޮށް އުޅޭ ނަމުން ޖޯއީ ބާޓަންއެވެ.
ބާޓަންގެ މެސެޖްގައި ބުނެފައި ވަނީ އޭނާގެ ލޯ މައްޗަށް ފެނުނު އެންމެ ފާހަގަ ކުރެވުމަކީ ޖެރާޑްގެ ބޮލުގެ އިސްތަށި ގަނޑު އެއް ސްޓައިލެއްގައި ހުރުން ކަމަށާއި އެ ދުވަސްވަރެއްގައި ބަދަލުވަމުން ދިޔަ ޓްރެންޑަށް ކުޅެން އެންމެ އުނދަގޫ މީހަކީ ޖެރާޑް ކަމަށެވެ.
ޖެރާޑްގެ ބަދަލުނުވެ ހުރި އިސްތަށިގަނޑު ސްޓައިލް ހާމަ ކުރުމަށް ޖޯއީ ބާޓަން ހިއްސާކޮށްފައިވާ ފޮޓޯ --- ފޮތޯ/ އިންސްޓަގްރަމް އިންސްޓަގްރަމް
މި މެސެޖާއެކު ބާޓަން ވަނީ 2000 ވަނަ އަހަރު އަދި 2005 ވަނަ އަހަރު 2009 ވަނަ އަހަރު ޖެރާޑްގެ ހުރި ގޮތް ދައްކުވައިދޭ ފޮޓޯއެއް ހިމަނާފަ އެވެ. އެންމެ އަންޑަސްޓޭންޑް ކޮމެންޓެއް ކޮށްފައި ވަނީ އިނގިރޭސި ކުރީގެ ކެޕްޓަން ޑޭވިޑް ބެކަމެވެ.
ޖެރާޑަށް އަލްވަދާއު ކިޔުމުގެ ގޮތުން ޑޭވިޑް ބެކަމް އިންސްޓަގްރަމް ކޮށްފައިވާ ފޮޓޯ --- ފޮތޯ އިންސްޓަގްރަމް
ބެކަމްގެ އިންސްޓަގްރަމް ގައި އިނގިރޭސި ޤައުމީ ޓީމަށް ދެ ކުޅުންތެރިން ކުޅުނުއިރުގެ ފޮޓޯއެއް ހިއްސާ ކުރުމަށްފަހު ބެކަމް ބޭނުންކޮށްފައި ވަނީ އެންމެ ލަފުޒެކެވެ. އެގޮތުން އޭނާ ބޭނުން ކޮށްފައިވަނީ "ވަފާތެރިކަން" މިލަފްޒެވެ.
އިހްތިރާމްގެ މެސެޖެއް ފޮނުވާފައި ވަނީ ކުރިން އެވަޓަންއަށް ކުޅުނު މިހާރު ޗައިނާ ލީގްގެ ސަންހާއި ޝެންހުއާއަށް ކުޅެމުންދާ އޮސްޓްރޭލިއާގެ ޤައުމީ ޓީމްގެ ކުރީގެ ކެޕްޓަން ޓިމް ކޭހިލެވެ.
އެގޮތުން ކޭހިލް އިންސްޓަގްރަމް މެދުވެރިކޮށް ފޮޓޮއާއެކު ފޮނުވާފައިވާ މެސެޖުގައި ބުނެފައިވަނީ ޖެރާޑަކީ ލިވާޕޫލްގެ ފެޝަން ކަމަށާއި އޭނާ ނެތި ލިވާޕޫލް އޭގެ އަސްލު ޒާތުގައި ނޯންނާނެ ކަމަށެވެ.
ޓިމްކޭހިލް އިންސްޓަގްރަމްގައި ހިއްސާކޮށްފައިވާ ފޮޓޯ (ނޫކުލައިގެ ޖޯޒީގައި) ކޭހިލް -- ފޮޓޯ/ އިންސްޓަގްރަމް
އެންމެ އިމޯޝަނަލް މެސެޖްގެ ގޮތުގައި ފާހަގަ ކުރެވޭ މެސެޖެއް ހިއްސާކޮށްފައި ވަނީ ލިވާޕޫލަށް ކުޅެމުންގެންދާ ޑެނިލް ސްޓްރިޖްއެވެ.
އަނިޔާގެ ސަބަބުން ޖެރާޑްގެ ފެއާވެލް މެޗްގައި ބައިވެރި ނުވެވުނު ސްޓްރިޖް އިންސްޓަގްރަމް މެދުވެރިކޮށް ފޮނުވާފައިވާ މެސްޖްގައި ބުނެފައިވަނީ ލިވާޕޫލް ޖޯޒީ ލި އެންމެ ޝަރަފް ވެރި ކުޅުންތެރިޔަކީ ޖެރާޑްކަމަށެވެ.
ޑެނިލް ސްޓްރިޖް: ޖެރާޑަށް އެންމެ އިމޯޝަނަލް މެސެޖެއް ފޮނުވި ކުޅުންތެރިޔަކީ އޭނަ --- ފޮތޯ ވަން އޯ ވަން
ސްތްރިޖް އިތުރަށް ބުނެފައިވަނީ 2013 ވަނަ އހަރު އޭނަ ލިވަޕޫލާ ގުޅުމުން ޖެރާޑްގެ ފަރާތުން ކިޔާފައިވަނީ ވަރަށް ހޫނު މަރުހަބާއެއް ކަމަށާއި އަދި ތީމްގައި ދެމި ހުރުމަށްވެސް އެންމެ ބޮޑު ހިތްވަރެއް ދިން މީހަކިވެސް ޖެރަޑް ކަމަށެވެ.