14 Jul 2015, 15:00
މިނިވަން ދުވަހާ ގުޅިގެން ތިން ދުވަހަށް ސަރުކާރު ބަންދު ކުރުމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް ނިންމަވައިފި އެވެ.
ރައީސް އޮފީހުގެ ތަރުޖަމާން އިބްރާހީމް މުއާޒު މިއަދު ސަން އަށް ވިދާޅުވީ މިނިވަން ދުވަހާ ގުޅިގެން މިމަހު 26 ވަނަ ދުވަހާއި 27 ބަންދުކުރާ ގޮތަށް ކުރިން ހަމަޖައްސާފައި އޮތް ނަމަވެސް 28 ވަނަ ދުވަސް ވެސް ބަންދު ކުރަން މިހާރު ނިންމާފައިވާ ކަމަށެވެ.
އެކަމާ ގުޅޭ ގޮތުން މުއާޒު ވަނީ މިއަދު ވަނީ ޓްވީޓެއް ވެސް ކުރައްވާފަ އެވެ.
July 26 ge bandhaah 1 dhuvas ithuru vaa gothah, 28 July vaa Angaara dhuvahaky sarukaaru rasmee bandhu dhuvahehge gothugai hamajassavaifi.
— Ibrahim Muaz Ali (@SpokespersonMV)July 14, 2015
މިނިވަން 50އާ ގުޅިގެން ކުލަ ގަދަ ހަރަކާތްތަކެއް ކުރިއަށް ގެންދިއުމަށް ސަރުކާރުން ވަނީ ނިންމާފަ އެވެ. އެގޮތުން މިނިވަން ދުވަހަށް މުޅި ރާއްޖެ އާއި މާލޭގެ އެކި ސަރަހައްދުތައް ޒީނަތްތެރިކުރުމުގެ މަސައްކަތް މިހާރު ވަނީ ފަށާފަ އެވެ.
އިނގިރޭސިންގެ ހިމާޔަތުން ގިނަ ދުވަސްތަކެއް ވަންދެން ދިވެހިރާއްޖެ އޮތުމަށް ފަހު 1965 ވަނަ އަހަރުގެ ޖުލައި މަހުގެ 26ވަނަ ދުވަހު ރާއްޖެ މިނިވަންވީ ކުރީގެ ރައީސް އިބްރާހިމް ނާސިރުގެ ވެރިކަމުގަ އެވެ.