24 Jul 2015, 01:30
ގއ. ވިލިނގިލީގައި ބިދޭސީއެއްގެ ބަނޑަށް ތޫނުއެއްޗަކުން ހަމަލާދީ ޒަޚަމްކޮށްލައިފި އެވެ.
ފުލުހުންގެ މީޑިއާ އޮފިޝަލް ސަން އަށް ވިދާޅުވީ، އެ ހާދިސާ ހިނގާފައި ވަނީ ވިލިނގިލީ ސީރާގޭގައި ބިދޭސީން އުޅޭ ކޮޓަރިއެއްގެ ތެރޭގައި ކަމަށެވެ.
ވަޅިހެރުމުން ޒަޚަމްވި ބިދޭސީ މީހާއަށް ގއ. އަތޮޅު ހޮސްޕިޓަލްގައި ފަރުވާ ދެމުން އަންނަ ކަމަށް އޮފިޝަލް ވިދާޅުވި އެވެ.
އޮފިޝަލް ވިދާޅުވީ ބިދޭސީ މީހާގެ ހާލު ސީރިއަސްތޯ ނުވަތަ ނޫންތޯ ދެންނެވޭނީ ހޮސްޕިޓަލުން ވަކިއެއްޗެއް ބުނުމުން ކަމަށެވެ.
އެ މައްސަލައާ ގުޅިގެން ބަނގުލަދޭޝްގެ އުމުރުން 25 އަހަރުގެ މީހަކު ހައްޔަރުކޮށްފައިވާ ކަމަށް ފުލުހުންގެ މީޑިއާ އޮފިޝަލް ވިދާޅުވި އެވެ.
ވިލިނގިލީ ޕޮލިސްޓޭޝަނުން އަންނަނީ އެ މައްސަލަ ތަހުގީގު ކުރަމުންނެވެ.