31 Oct 2015, 15:06
ނައިބު ރައީސް އަހްމަދު އަދީބު އަބްދުލް ޣަފޫރުގެ ކާރު ޑްރައިވަރަކަށް އުޅުނު ސްޕެޝަލް ޕްރޮޓެކްޝަން ގްރޫޕް (އެސްޕީޖީ)ގެ ކޯޕްރަލް ޝިހާބު ހުސައިން ބަންޑާރަ ކޮށީގައި ބަންދުކޮށްފި އެވެ.
ސަން އަށް އެނގިފައިވާ ގޮތުގައި ޝިހާބު ބަންޑާރަ ކޮށީގައި ބަންދުކޮށްފައި ވަނީ މިދިޔަ ހޯމަ ދުވަހު އެވެ.
މީގެ ކުރިން ވަނީ އަދީބުގެ ދެ ބޮޑީގާޑަކު ވެސް ސިފައިންގޭގައި ބަންދުކޮށްފަ އެވެ. އެ ދެ މީހުންނަކީ ސާޖަންޓު ހަސަން ރިކާޒާއި ކޯޕްރަލް އަހުމަދު އާމިރެވެ.
ސިފައިންގެ ބަޑިގުދަނުގެ ވެރިޔަކަށް ހުންނެވި ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމްގެ ސެކިއުރިޓީގެ އެންމެ އިސް ވެރިޔާގެ މަގާމް އަދާކުރެއްވި ކާނަލް އަހްމަދު ފަޔާޒު (ޕާޕާ) ވެސް ވަނީ ސިފައިންގޭގައި ބަންދުކޮށްފަ އެވެ.
އޭނާ އަކީ ނައިބު ރައީސް އަދީބާ ވަރަށް ގާތްގުޅުމެއް އޮންނަ ބޭފުޅެވެ.
އެ އެންމެން ވެސް ބަންކޮށްފައި ވަނީ ރައީސުލްޖުމްހޫރިއްޔާގެ ރިޔާސީ ލޯންޗުކޮޅުގައި އެއްޗެއް ގޮއްވާލި ހާދިސާގެ ތަހުގީގަށެވެ.