15 Nov 2015, 20:12
ޕެންޝަން ފަންޑުގެ ފައިސާއިން ގައުމުގެ އިންފްރާސްޓްރަކްޗަރު ތަރައްގީ ކުރުމަށް ފެނިވަޑައިންނަވާ ކަމަށް އޮޑިޓާ ޖެނެރަލް ހަސަން ޒިޔަތު ވިދާޅުވެއްޖެ އެވެ.
މިއަދުގެ ބަޖެޓު ކޮމިޓީގެ ބަހުސްގައި ވާހަކަފުޅު ދައްކަވަމުން އޮޑިޓާ ޖެނެރަލް ވިދާޅުވީ ޕެންޝަން ފަންޑަކީ ހަ ބިލިއަން ރުފިޔާގެ ފަންޑެއް ކަމަށާއި އެ ފަންޑަށް ކޮންމެ މަހަކު 75 މިލިއަން ރުފިޔާ ވަންނަ ކަމަށެވެ.
ޕެންޝަން ފަންޑަކީ ބޮޑު ފަންޑަކަށް ވުމުން އެ ފަންޑުން ގިނަ ކަންތައްތަަކަށް ހޭދަ ކުރެވޭނެ ކަމަށް ޒިޔަތު ވިދާޅުވި އެވެ.
"ޕެންޝަން ފަންޑުގެ ފައިސާއިން އިންފްރާސްޓްރަކްޗަރު ރަނގަޅު ކުރުމަށް ބޭނުން ކުރަން އަޅުގަނޑަށް ފެނޭ. އެ ފައިސާއަކީ ހަމައެކަނި ޓީބިލަށް ހޭދަ ކުރަން ހުންނަން ޖެހޭ ފައިސާއެއް ނޫން،" އޭނާ ވިދާޅުވި އެވެ.
ޒިޔަތު ވިދާޅުވީ، ފައިނޭންޝަލް އޯކްޝަން އެއްގެ ގޮތުގައި އެ ފަންޑު ބޭނުން ކުރެވިދާނެ ކަމަށެވެ. އެގޮތުން މަޖިލީހާ މަޝްވަރާކޮށްގެން ސަރުކާރުގެ ސްޓޭޓް އޮން ކުންފުނިތަކުން އެ ފަންޑުން ފައިސާ ނަގައިގެން ތަރައްގީގެ މަޝްރޫއު ކުރިއަށް ގެންދެވިދާނެ ކަމަށް ފެންނަ ކަމަށްވެސް އޭނާ ވިދާޅުވި އެވެ.
ޕެންޝަން ފަންޑަށް ފައިސާ ހޯދާނެ އިތުރު ގޮތްތަކެއް ހޯދަން ޖެހޭ ކަމަށްވެސް ޒިޔަތު ވިދާޅުވި އެވެ.