19 Nov 2015, 11:35
މޯބައިލް ފޯނާއި ލެޕްޓޮޕްތަކުގައި ނައިޓް ވިޝަން ބޭނުން ކުރުމަށް މަގެއް ހުޅުވައިދޭނެ ގްރެފީން އިންފްރަރެޑް ސެންސަރެއް މެސެޗުއެޓްސް އިންސްޓިޓިއުޓް އޮފް ޓެކްނޮލޮޖީ (އެމްއައިޓީ)ގެ ރިސާޗަރުން އުފައްދައިފި އެވެ.
އެމްއައިޓީން ތައްޔާރުކުރި އެ ސެންސަރަކީ ނައިޓް ވިޝަން އިނޭބަލް ކުރުމަށް އުފެއްދުނު ކުޑަ ސެންސަރެކެވެ. ގްރެފީން އަކީ އަގުހެޔޮ މެޓީރިއަލް އެކެވެ. އެހެން ކަމުން އިންފްރާރެޑް ބޭނުން ކުރުމަށް އަގުހެޔޮ ވެގެން ދާނެ އެވެ.
ގްރެފީން އަކީ ދަގަނޑަށްވުރެ 100 ގުނަ ވަރުގަދަ މެޓީރިއަލް އެކެވެ. އެ މެޓީރިއަލަކީ ސެމީ ކޮންޑަކްޓިން މެޓީރިއަލް އެކެވެ.
ގްރެފީން އަކީ މިހާރު ވެސް އެންމެ މަގުބޫލު އިންފްރާރެޑް ދެނެގަންނަ މެޓީރިއަލް އެވެ. އެހެން ކަމުން އެމްއައިޓީގެ ޗިޕް ފަރުމާކޮށްފައި ވަނީ ސިގްނަލްތައް ފޮނުވުމުގެ ގޮތުންނެވެ.
އިންފްރާރެޑް ސެންސަރެއް ހެދުމަށް ގްރެފީން ބޭނުން ކުރުމުން އާދައިގެ އިންފްރާރެޑް ސެންސަރެއް ހެދުމުގައި ބޭނުންވާ ގިނަ ތަކެއްތި ބޭނުމެއް ނުވެއެވެ. އެގޮތުން ގްރެފީން ބޭނުން ކުރުމުން ހާއްސަ "ކޫލިން ސިސްޓަމް" އެއް ބޭނުމެއް ނުވާނެ އެވެ.
ނައިޓް ވިޝަން އުފައްދައިދޭ އެންމެ ވަރުގަދަ ޑިވައިސްތަކަކީ ތަފާތު ކޫލިން ސިސްޓަމް ބޭނުން ކުރާ ޑިވައިސްތަކެވެ. އެހެން ވުމާއެކު އެ ޑިވައިސްތަކަކީ ބަރު އަދި އަގުބޮޑު ޑިވައިސްތަކެވެ.