18 Nov 2015, 13:42
އަންނަ މަހު ހުޅުމާލޭގައި ނައިޓް މާކެޓެއް ބޭއްވުމަށް ނިންމައިފިއެވެ.
ހައުސިންގ ޑިވެލޮޕްމަންޓް ކޯޕަރޭޝަން(އެޗްޑީސީ) އާއި ދިވެހި ވިޔަފާރިވެރިންގެ ގައުމީ ޖަމުއިއްޔާއާ ގުޅިގެން ހުޅުމާލޭގެ ސެންޓްރަލް ޕާކުގައި ބާއްވާ ނައިޓްމާކެޓެ ބޭއްވުމަށް ނިންމާފައިވަނީ އަންނަ މަހުގެ 10 އިން 19 އަށެވެ.
އެ ނައިޓްމާކެޓް މޭޒު ނަންގަވަން ބޭނުންވާ ފަރާތްތައް މިހާރު ވަނީ ފުރުސަތު ހުޅުވާލާފައެވެ. އެގޮތުން ފޯމު ދޫކުރުމާއި ބަލައިގަތުން އަންނަ މަހު ތިނެއްގެ ހަމައަށް ރަސްމީ ބަންދުނޫން ކޮންމެ ދުވަހެއްގެ ހެނދުނު 9:00 ން 14:00 އަށް އެޗްޑީސީގައި ހަމަޖެހިފައިވާކަމަށް އެކުންފުނިން ބުނެއެވެ.
ނައިޓް މާކެޓަކީ އެއްތަނަކުން އެކިވައްތަރުގެ މުދާ ހެޔޮއަގުގައި ލިބޭނެގޮތް ހެދުމަށް ވިޔަފާރިވެރިންގެ ޖަމިއްޔާއިން ބާއްވަމުން އަންނަ ވިޔަފާރި އީދެކެވެ. ކޮންމެ އަހަރެއްގެ އެއްފަހަރު މާލޭގައިވެސް އެފަދަ މާކެޓް ބޭއްވުމަށް ވިޔަފާރިވެރިންގެ ޖަމިއްޔާއިން ވަނީ ނިންމާފައެވެ.