08 Dec 2015, 11:42
ބ. ވައްކަރަށް ހިލަ އާއި ހިލަވެލި ހިފައިގެން ދިޔަ، ބޯޓަކުން ދެ ކިލޯގެ މަސްތުވާތަކެތި އަތުލައިގެންފައިވާ ކަމަށް ފުލުހުން ބުނެފި އެވެ.
ފުލުހުނާއި ކަސްޓަމްސް ގުޅިގެން އިއްޔެ ހެނދުނު ފެށި އޮޕަރެޝަންގައި އަތުލައިގަތް ދެ ކިލޯގެ މަސްތުވާތަކެއްޗާއެކު ދެ މީހަކު ހައްޔަރުކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނީ ދެ ކިލޯގެ މަސްތުވާތަކެތި އަތުލައިގަތީ ވައްކަރަަށް ހިލަ އާއި ހިލަވެލި ހިފައިގެން ދިޔަ އެމްވީ ބޮންތި ބޯޓުން ކަމަށެވެ. ކޯޓު އަމުރެއްގެ ދަށުން އެ ބޯޓު ބަލައި ފާސްކުރިއިރު ދެ ކިލޯއެއްހާ މަސްތުވާތަކެތި ފެނުނު ކަމަށާއި އެ މައްސަލަ ތަހުގީގު ކުރަމުން ދަނީ ޑްރަގް އެންފޯސްމަންޓް ޑިޕާޓްމަންޓުން ކަމަށް ފުލުހުން ބުންޏެވެ.