10 Dec 2015, 14:47
ދަނޑުވެރިކަމާއި މަސްވެރިކަން ޕްރޮމޯޓްކޮށް އެކަމަށް ޒުވާނުން އަހުލުވެރި ކުރުމަށްޓަކައި ފިޝަރީޒް މިނިސްޓްރީ އިން ކުރިއަށް ގެންދާ ފިޝަރީޒް އެންޑް އެގްރިކަލްޗާ ޑައިވާސިފިކޭޝަން ޕްރޮގްރާމް (ފަޑިޕް) ގައި ބައިވެރި ވުމުގެ ފުރުސަތު ހުޅުވާލައިފި އެވެ.
އެ މިނިސްޓްރީން މިއަދު ކުރި އިއުލާނެއްގައި ބުނެފައި ވަނީ އެ ޕްރޮގުރާމަކީ ކުދި އަދި މެދު ފަންތީގެ ވިޔަފާރީގެ ދަނޑުވެރިންނާއި މަހުގެ އުފެއްދުންތައް ތައްޔާރު ކުރާ ފަރާތްތަކަށް އާމްދަނީ ލިބޭނޭގޮތަށް މަގުފަހުކޮށްފައިވާ ޕްރޮގުރާމެއް ކަމަށެވެ.
ފިޝަރީޒް މިނިސްޓްރީން ބުނީ އެ ޕްރޮގްރާމްގެ އެހީގައި ރާއްޖޭގެ ހަތް ކޯޕަރޭޓިވް އެއް ކިކްސްޓާޓް ކޮށް ހަރަކާތްތެރިވަމުންދާ ދާނެ ކަމަށެވެ.
އެ މިނިސްޓްރީގެ އިއުލާނުގައި ބުނީ އެ ޕްރޮގުރާމުގައި ބައިވެރިވާ ފަރާތްތަކުގެ ތެރޭގައި މިހާރުވެސް މަސްވެރިކަމާއި ދަނޑުވެރިކަމުގެ އުފެއްދުން ތައްޔާރު ކުރަމުން އަންނަ ފަރާތްތަކަށް ބޮޑަށް އިސްކަން ދެވޭނެ ކަމަށެވެ.
ފިޝަރީޒުން ބުނީ އެ ޕްރޮގްރާމްގައި ބައިވެރި ވުމަށް އެދޭ ފޯމު ހުށަހެޅުމުގެ ސުންގަޑިއަކީ މިމަހުގެ 31 ވަނަ ދުވަސް ކަމަށެވެ.