23 Dec 2015, 13:03
ލިވަޕޫލްގެ ޑިފެންޑަރު މާޓެން ސްކާޓެލްގެ ފަލަމަސްގަނޑަށް އަނިޔާވެ ހަ ހަފްތާއަށް ކުޅުމާއި ދުރަށް ދާން ޖެހިއްޖެ އެވެ.
މިދިޔަ އާދިއްތަ ދުވަހު ވޮޓަފޮޑް 0-3ގެ ނަތީޖާއަކުން ބަލިވި މެޗްގެ ފުރަތަމް ހާފްގެ 31 ވަނަ މިނެޓްގައި ސްކާޓެލްއަށް އަނިޔާވެގެން ބޭލި އިރު ޓެސްޓްތަކަށް ފަހު ލިވަޕޫލް އިން ބުނީ އޭނާ އަށް އެންމެ އަވަސްވެގެން ވެސް ކުޅުމުގެ ތެރެއަށް އާދެވޭނީ ހަތަރު މަސް ފަހުން ކަމަށެވެ.
އެ އަނިޔާގެ ސަބަބުން ކުޅުމާ ދުރަށްދާން ޖެހުނު ޑިފެންޑަރު ބުނީ އަލުން ކުޅުމުގެ ތެރެއަށް ވީހާ އަވަހަކަށް އައުމަށް އޭނާ ވަރަށް ބޮޑަށް މަސައްކަތް ކުރާނެ ކަމަށެވެ.
ލީގްގައި އެންމެ ފަހުން ކުޅުނު މެޗުން ބަލިވެފައިވާ އިރު އަންނަ ހޮނިހިރު ދުވަހު އެއްވަނާގައި އޮތް ލެސްޓާ ސިޓީއާ ދެކޮޅަށް ލިވަޕޫލް ނިކުންނަ އިރު އެ ޓީމްގެ ގިނަ ކުޅުންތެރިންތަކަކަށް އަނިޔާ ވެފައިވުމުން އެކަން ވެގެންދާނީ ލިވްޕޫލްގެ ކޯޗް ޔޫގެން ކްލޮޕް އިތުރަށް ވިސްނަން ޖެހޭނެ ކަމެކަށެވެ.
އުމުރުން 31 އަހަރުގެ ސްކަޓެލް އަކީ ފާއިތުވެ ދިޔަ ހަތަރު ސީޒަނަށް ބަލާ އިރު ލިވަޕޫލްގައި އަނިޔާނުވެ އެންމެ ގަވާއިދުން ކުޅެމުން އައި އިތުބާރު ޑިފެންޑަރެވެ. އަދި މި ސީޒަނުގައި އޭނާ ވަނީ ލިވަޕޫލަށް 26 މެޗް ކުޅެދީއެޓީމްގެ ފަހަތް ވަރަށް ރަނގަޅަށް ބަލަހައްޓައިދީފަ އެވެ.