މެޗު ނިމިއްޖެ.

މެޗުގެ ފުރިހަމަ ވަގުތު ހަމަވެއްޖެ. އިތުރު ވަގުތުގެ ގޮތުގައި 4 މިނިޓް ދައްކައިފި.

ލަންކާ ހާފްގެ މެދެއްހާ ހިސާބުން ބޯޅަ ހޯދައިގެން ޕެނަލްޓީއޭރިޔާ ތެރެއަށް ޗަންޓޭ ވަރަށް ރީތިކޮށް ފޮނުވާލި ބޯޅަ ޗެތުރީއަށް ފޮނުވާލެވޭ ގޮތެއް ނުވި.

ލަންކާ ޓީމުން ބަދަލެއް. ޖޮހަރް މުހައްމަދު ރަޒްވާންގެ ބަދަލުގައި ކުޅެން އެރީ، އެސް ގްނަނަރުބާން.

ލަންކާގެ ކަވިންދު އިޝާން އިންޑިއާގެ ޕެނަލްޓީ އޭރިޔާ ބޭރުން ގޯލަށް ބޯޅަ ފޮނުވާލެވޭތޯ މަސައްކަތްކުރި. އެހެން ނަމަވެސް އޭނާއަށް އެ ބޯޅަ ރަނގަޅަށް ފޮނުވާލެވޭ ގޮތެއް ނުވި.

ލަންކާ ޕެނަލްޓީ އޭރިޔާ ތެރެއަށް ބޯޅަ ހިފައިގެން ވަދެ، ގޯލް ކުރިމައްޗަށް ބޯޅަ ހުރަސްކޮށްލެވޭތޯ ޗެތްރީ މަސައްކަތްކުރި. އެހެން ނަމަވެސް ބޯޅަ ދިޔައީ ސީދާ، ގޯލްކީޕަރުގެ އަތަށް.

އިންޑިއާ ޓީމުން މިދަނީ ފުލުފުލުގައި ލަންކާ ގޯލަށް ނުރައްކާކުރަމުން.

ލަންކާގެ ޑިފެންޑަރުން ކައިރިން ބޯޅަ ކަޓުވާލާފައި ރޮބިން އޭރިޔާތެރެއަށް ވަދެ ފޮނުވާލި ބޯޅަ ގޯލްތެރެއަށް ވަނީ، ލަންކާ ޑިފެންޑަރެއްގެ ފައިގައި ޖެހިފައި.

ލަންކާގެ މަދުޝާން ޑިސިލްވާއާށް އަނިޔާވުމުގެ ސަބަބުން އޭނާގެ ބަދަލުގައި މިޑްފީލްޑަރު އެލްއެޗް ކަވިންޑު އިޝާން ކުޅެން އަރައިފި.

އިންޑިއާއަށް ލިބުނު ކޯނަރަކުން ލަންކާގެ ގޯލް ކުރިމައްޗަށް ހުރަސްކޮށްލި ބޯޅަ ޕެނަލްޓީ އޭރިޔާގެ ބޭރުގައި ހުރި ޗެތުރީއަށް ލިބުމުން ވަރަށް ބާރަށް ގޯލަށް ފޮނުވާލި. އެހެން ނަމަވެސް އެ ބޯޅަ ކީޕަރު އަތުގައި ޖެހިފައި އަނެއްކާވެސް ކޯނަރަކަށް ބޭރު.

ދެވަނަ ހާފްގެ ކުޅުން ފެށިއިރު އިންޑިއާ ޓީމުން ވަނީ ބަދަލެއް ގެނެސްފައި. އެގޮތުން ޕްރޮނޭ ހަލްދާރުގެ ބަދަލުގައި ކުޅެން އެރީ ރޯވްލިން ބޯޖަަސް.

އިންޑިއާއަށް ކޯނަރެއް.

ދެވަނަ ހާފްގެ ކުޅުން ފަށައިފި.

ފުރަތަމަ ހާފްގެ ކުޅުން ނިމިއްޖެ.

ފުރަތަމަ ހާފުގެ އިތުރު ވަގުތުގެގޮތުގައި 2 މިނިޓް ކުޅުން ދައްކައިފި.

ލަންކާ ޕެނަލްޓީ އޭރިޔާ ތެރޭން އެޓީމުގެ ދެ ކުޅުންތެރީން ކައިރިން ބޯޅަ ކަޓުވާލާފައި ޗެޓްރީ ވަރަށް ބާރަށް ގޯލަށް އަމާޒުކޮށް ފޮނުވާލި ބޯޅަ ލަންކާ ޑިފެންޑަރެއްގެ ފައިގައި ޖެހިފައި ކޯނަރަކަށް ބޭރު.

އިންޑިއާއިން ލަންކާ ގޯލަށް ނުރައްކާތެރި ހަމަލާއެއް. ލަންކާ ޕެނަލްޓީ އެރިޔާތެރެއަށް އިންޑިއާ ޓީމުގެ ކުޅުންތެރިކު ހުރަސްކޮށްލި ބޯޅަ ޖޭޖޭ ބޮލުން ޖަހައި ވަރަށް ރީތިކޮށް ގޯލަށް ފޮނުވާލި. އެހެން ނަމަވެސް ލަންކާ ކީޕަރު ސުޖާން ޕެރޭޜާ އަތުން ޖަހައި ހުރަސް ދަނޑިމަތިން ކޯނަރަކަށް ބޯޅަ ބޭރުވީ.

ލަންކާ ކުޅުންތެރީން އިންޑިއާ ގޯލަށް ހަމަލާއެއް އުފެއްދޭތޯ ކުރި މަސައްކަތް ކާމިޔާބެއް ނުވި. އިންޑިއާގެ ޕެނަލްޓީ އޭރިޔާގެ އަރިމަތިން ލަންކާ ޓީމުގެ ކުޅުންތެރިއަކު ނަގައިދިން ހުރަސް ޕެނަލްޓީ އޭރިޔާ ބޭރުން ލިބުނީ އެޑިސަން ފިގުރާޑޯއަށް އެހެން ނަމަވެސް އޭނާ ފޮނުވާލި ބޯޅަ މާ މަތިން ބޭރަށް.

އިންޑިއާއަށް އަނެއްކާ ވެސް ކޯނަރެއް.

އިންޑިއާއިން މަސައްކަތްކުރަމުން ދަނީ، ލަންކާ ޕެނަލްޓީ އޭރިޔާގެ އަރިމަތީން ގޯލް ކުރިމައްޗަށް ބޯޅަ ހުރަސްކޮށްގެން، ޗެތްރީ، ރޮބިން އަދި ޖޭޖޭ ލައްވައި ލަންކާ ގޯލަށް ހަމަލާ އުފެއްދުމަށް.

ލަންކާ ޓީމު މި މުބާރާތުގައި ކުޅުނު ފުރަތަމަ މެޗުގައި ނޭޕާލު އަތުން 1-0 އިން މޮޅުވެފައި ވަނީވެސް ޑިފެންސިވް ގޭމެއް ކުޅެ، އެ މެޗުގެ ފަހު ވަގުތުގައި ކައުންޓާގައި އުފެއްދި ހަމަލާއެއްގައި ލަނޑެއް ޖަހައިގެން.

އިންޑިއާ ޓީމުން ނުރައްކާތެރި ހަމަލާއެއް. ލަންކާ ހާފްގެ މެދެއްހާ ހިސާބުން ބޯޅަ ހޯދައިގެން ޖޭޖޭ އެޓީމުގެ ޑިފެންޑަރުން ބީޓްކޮށްފައި ބޯޅަހިފައިގެން ޕެނަލްޓީ އޭރިޔާތެރެއަށް ވަދެ ގޯލަށް ފޮނުވާލި ބޯޅަ ކީޕަރު މަތަކުރީ.

އިންޑިއާގެ ކުޅުންތެރިއަކު ވަރަށް ރީތިކޮށް ލަންކާގެ ގޯލް ކުރިމައްޗަށް ހުރަސްކޮށްލި ބޯޅަ ޗެތުރީ ބޮލުން ޖަހައި ގޯލަށް ފޮނުވާލިނަމަވެސް ލަންކާ ކީޕަރުގެ އަތުގައި ޖެހިފައި ކޯނަރަކަށް ބޭރު.

އިންޑިއާއަށް ކޯނަރެއް.

ލަންކާ ޕެނަލްޓީ އޭރިޔާގެ އަރިމަތިން އިންޑިއާއަށް ހިލޭ ޖެހުމެއް.

މެޗު ފަށައިފި.

މެޗު ފަށަން ދެޓީމުގެ ކުޅުންތެރީން ތައްޔާރު ވެއްޖެ.

ދެޓީމުގެ ކުޅުންތެރީންނާއި އޮފިޝަލުން ދަނޑަށް ނުކުމެއްޖެ.

އިންޑިއާއަށް ލިބުނު ކޯނަރަކުން ލަންކާގެ ގޯލް ކުރިމައްޗަށް ހުރަސްކޮށްލި ބޯޅަ ޕެނަލްޓީ އޭރިޔާގެ ބޭރުގައި ހުރި ޗެތުރީއަށް ލިބުމުން ވަރަށް ބާރަށް ގޯލަށް ފޮނުވާލި. އެހެން ނަމަވެސް އެ ބޯޅަ ކީޕަރު އަތުގައި ޖެހިފައި އަނެއްކާވެސް ކޯނަރަކަށް ބޭރު.