23 Jan 2016, 09:40
ސިހުރު ހަދާކަމުގެ ތުހުމަތުގައި ހއ. އިހަވަންދޫއިން ދެ މީހަކު ހައްޔަރުކޮށްފިއެވެ.
ހއ. އިހަވަންދޫގައި ބަޔަކު ސިހުރު ހަދަމުންދާކަމަށް ފުލުހުންނަށް ލިބުނު މައުލޫމާތަކާއެކު އެމީހުން ހޯދަން މިދިޔަ ބުރާސްފަތި ދުވަހު އިހަވަންދޫގައި އޮޕަރޭޝަނެއް ހިންގައި ހައްޔަރުކޮށްފައިވަނީ 24 އަހަރާއި 25 އަހަރުގެ ދެ ފިރިހެނުން ކަމަށް ފުލުހުން ބުންޏެވެ. އެދެ މީހުންގެ ބަންދަށް ވަނީ ހަތް ދުވަސް ޖަހާފައެވެ.
" ކޯޓު އަމުރެއްގެ ދަށުން ހައްޔަރު ކޮށް މިމީހުން އުޅޭކަމަށް ބެލެވޭ ދެ ގެއަކާއި ގުދަނެއް ފުލުހުން ވަނީ ބަލައި ފާސްކޮށްފަ." ފުލުހުން ބުންޏެވެ.
ފުލުހުން ބުނީ އެ އޮޕަރޭޝަންގައި އެ މައްސަލައާއި ގުޅުންހުރި ބައެއް ތަކެތިވެސް ބަލައި ފާސްކުރި ތަންތަނުން ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.