25 Jan 2016, 22:19
ރާއްޖެގައި އިސްލާމިކް ފައިނޭންސް ސެންޓަރެއް ގާއިމު ކުރުމަށާއި އަދި ދިވެހި ސަރުކާރުން އިސްލާމިކް ފައިނޭންސް މެދުވެރިކޮށް ފައިސާ ހޯދުމަށް "ޚަޒާނާ މޯލްޑިވްސް ލިމިޓެޑް"ގެ ނަމުގައި ސަރުކާރުން މިއަދު ކުންފުންޏެއް އުފައްދައިފި އެވެ.
ސަރުކާރުގެ ސަތޭކަ ޕަސެންޓް ހިއްސާ އޮންނަ ގޮތަށް އުފެއްދި އެ ކުންފުނީގެ ރައުސްމާލަކީ، ދިހަ ރުފިޔާގެ 100 މިލިއަން ރުފިޔާގެ މައްޗަށް ބަހާލެވިފައިވާ އެއް ބިލިއަން ރުފިޔާ ކަމަށް އެ ކުންފުނި އުފެއްދުމާ ބެހޭ ގޮތުން ރައީސުލްޖުމްހޫރިއްޔާ އަބްދުﷲ ޔާމީން ސޮއި ކުރައްވައި ނެރުއްވި ގަރާރުގައިވެ އެވެ.
އެ ކުންފުންޏަކީ އަމިއްލަ ނަމުގައި ދައުވާ ކުރުމާއި ދައުވާ ލިބިގަތުމުގެ ބާރު ލިބޭ ގޮތަށް ކުންފުންޏާ ބެހޭ ގާނޫނުގެ ދަށުން އުފެއްދި ކުންފުންޏެއް ކަމަށް ރައީސް ނެރުއްވި ގަރާރުގައި ބުނެ އެވެ.