14 Mar 2016, 16:36
ނިއު ދިއްލީ (މާޗް 14): ފިރިހެންމީހާ ނިސްބަތްވާ ފަންތިއަށް ވުރެ މަތީ ފަންތިއަކަށް ނިސްބަތްވާ އަންހެންކުއްޖަކާ ކައިވެނި ކުރުމާ ގުޅިގެން އިންޑިއާގެ 22 އަހަރުގެ ފިރިހެނަކު މަރާލައިފި އެވެ.
ފުލުހުން ބުނީ އެ ހަމަލާ ދިން ކަމަށް ތުހުމަތު ކުރެވެނީ އެކައިވެންޏާ ގުޅިގެން އަންހެންކުއްޖާގެ ގާތްތިމާގެ މީހުން ކަމަށެވެ. އިންޑިއާގެ ބައެއް އާއިލާތަކުން އެއާއިލާގެ އަބުރު ރައްކާތެރި ކުރުމަށް ޓަކައި އެހެން ފަންތިއެއްގެ މީހަކާ ކައިވެނި ކުރާ އަންހެނުން މަރާލުމަކީ އަދި ވެސް ކުރާ ކަމެކެވެ.
"އެމީހުން ކައިވެނި ކުރީ މީގެ އަށް މަސް ކުރިން އަންހެން ކުއްޖާގެ އާއިލާގެ ނުރުހުމުގަ. އަންހެން ކުއްޖާ ނިސްބަތްވަނީ މަތީ ފަންތިއެއްގެ އާއިލާއަކަށް، ފިރިހެން މީހާ ނިސްބަތްވަނީ ދަށް ފަންތިއަކަށް،" ޕޮލިސް ކޮމިޝަނަރަކު ވިދާޅުވި އެވެ.
އިންޑިއާގެ ޓީވީ ޗެނަލަކުން ދެއްކި ސީސީޓީވީ ރިކޯޑިންތަކުން ދައްކަނީ ފިރިހެންމީހާއާއި އޭނާގެ 19 އަހަރުގެ އަންހެނުނ،ް ޓަމިލް ނާޑޫގެ މަގެއް މަތިން ހިނގާފައި ދަނިކޮށް ސައިކަލެއްގައި ތިބި ތިން މީހަކު ތޫނު ހަތިޔާރު ބޭނުންކޮށްގެން އެދެމީހުންނަށް ހަމަލާދޭ މަންޒަރެވެ.
އަންހެން މީހާއަށް ލިިބިފައިވާ އަނިޔާތަަކަށް މިހާރު ހޮސްޕިޓަލުގައި ދަނީ ފަރުވާ ދެމުންނެވެ. އަދި މައްސަލައިގެ ތަހުގީގަށް ފުލުހުން ދަނީ އަންހެން ކުއްޖާގެ ބޮޑުބޭބެ ހޯދަމުންނެވެ.
އެމެރިކާއިން ހަދާފައިވާ ދިރާސާއަކުން ދައްކާ ގޮތުގައި ކޮންމެ އަހަރަކު އެފަދަ ސަބަބުތަކަށް ޓަކައި ދުނިޔެ އިން މަރާލާ 5000 މީހުންގެ ތެރެއިން 1000 މީހުން ނިސްބަތްވަނީ އިންޑިއާ އަށެވެ. (އޭއެފްޕީ)