08 May 2016, 13:25
ލ. ގުރައިދޫ އިން ފެނުނު އިންސާނެއްގެ ކަށިތަކުގެ ތަހުގީގު އަދި ނުނިމޭ ކަމަށް ފުލުހުން ބުނެފިއެވެ.
މިދިޔަ މަހު 28 ވަނަ ދުވަހު އެރަށުން ފެނުނު ކަށިތަކާ ގުޅޭގޮތުން ފުލުހުންގެ މީޑިއާ އޮފިޝަލް މިއަދު "ސަން"އަށް ވިދާޅުވީ އެކަށިތަކުގެ ސާމްޕަލްތައް ނަގައި ތަހުގީގް ކުރިއަށްދާ ކަމަށެވެ.
އެ ރަށުން ފެނިފައި ވަނީ ގިނަ ދުވަސްވެފައިވާ ކަށިތަކެކެވެ.
ފުލުހުން ބުނީ އެކަށިތައް ފެނިފައި ވަނީ އެ ރަށުގެ ގޮނޑުދޮށުން ކަމަށާއި ސާމްޕަލް ނެގުމަށް ފަހު އެކަށިތައް މިހާރު ވަޅުލާފައިވާ ކަމަށެވެ.