10 May 2016, 16:31
މި އަހަރުގެ ރޯދަ މަހު ސަރުކާރުގެ އޮފީސްތަކުގެ ރަސްމީ މަސައްކަތު ގަޑި ރައީސް އަބްދުﷲ ޔާމީން ކަނޑައަޅުއްވައިފި އެވެ.
ރައީސް އޮފީހުން މިއަދު ބުނީ މި އަހަރުގެ ރޯދަ މަހު ސަރުކާރު އޮފީސްތަކުގެ ރަސްމީ ގަޑިއަކީ ހެނދުނު 10:00 އިން މެންދުރު ފަހު 2:00 އަށް ކަމުގައި ރައީސް ޔާމީން ހަމަޖައްސަވާފައިވާ ކަމަށެވެ.
އާންމު މަސް މަހު ސަރުކާރުގެ ރަސްމީ ގަޑިއަކީ ހެނދުނު 8:00 އިން ފެށިގެން މެންދުރު ފަހު 2:00 އަށެވެ.
ރައީސް އޮފީހުން ބުނީ މި އަހަރުގެ ޝައްވާލު މަހުގެ ފުރަތަމަ 7 ދުވަހު ސަރުކާރުގެ އޮފީސްތަކުގެ ރަސްމީ މަސައްކަތު ގަޑިއަކީ ވެސް ހެނދުނު 10:00 އިން މެންދުރު ފަހު 2:00 އަށް ކަމުގައި ރައީސް ޔާމީން ހަމަޖައްސާފައިވާ ކަމަށެވެ.
މިއަހަރުގެ ރޯދަމަހުގެ ރަސްމީގަޑި ހަމަޖެއްސެވުމާ ގުޅިގެން، ރަސްމީގަޑިއަށް ފައްތަވައިގެން މަސައްކަތްތައް ރޭއްވެވުމަށް ޚާއްޞަ ސަމާލުކަމެއް ދެއްވުމަށް ރައީސް ޔާމީން އިލްތިމާސްކުރައްވާފައިވާ ކަމަށްވެސް ރައީސް އޮފީހުން ބުނެއެވެ.