21 May 2016, 17:06
ލ. އަތޮޅުގައި އޮންނަ ދެ ފަޅުރަށް ކަމުގައިވާ ލ. ގުރައިދޫ އަދި ލ. ކަށިދޫގައި ޓޫރިސްޓް ރިސޯޓު ތަރައްގީކުރަން ޝައުގުވެރިވާ ފަރާތްތަކުން އެކްސްޕްރެޝަން އޮފް އިންޓްރެސްޓް (އީއޯއައި) ހުށަހަޅަން ފޮނުވައިފި އެވެ.
ޓޫރިޒަމް މިނިސްޓްރީން މިދިޔަ ހަފްތާގައި ކޮށްފައިވާ އިއުލާނެއްގައި ބުނެފައިވަނީ، ލ. ގުރައިދޫ އަދި ކަށިދޫގައި ރިސޯޓު ތަރައްގީ ކުރަން ޝައުގުވެރިވާ، ރާއްޖޭގެ ނުވަތަ ރާއްޖޭން ބޭރުގެ އިންވެސްޓަރުން އެކަމަށް އެދި ހުށަހެޅުމަށް ހުޅުވާލާ ކަމަށެވެ.
އަދި ރިސޯޓު ތަރައްގީ ކުރުމަށް ހުށަހަޅާ ކުންފުނިން، ފަޅު ރަށުގެ އެކުއިޒިޝަން އަގު ދައްކަން ޖެހޭނެ ކަމަށާއި، ރިސޯޓު މަޝްރޫއު ހިންގުމަށް ލިބިއްޖެ ނަމަ، ރިސޯޓުގެ މަސައްކަތް 2018 ވަނަ އަހަރުގެ ޖޫން މަސް ނިމުމުގެ ކުރިން ނިންމާލަން ޖެހޭނެ ކަމަށް ވެސް ޓޫރިޒަމް މިނިސްޓްރީން ބުނެ އެވެ.
ޓޫރިޒަމް މިނިސްޓްރީން ބުނީ، ޖޫން މަހުގެ ދެވަނަ ދުވަހުގެ ކުރިން އެ މިނިސްޓްރީއަށް އީއޯއައި ހުށަހަޅާން ޖެހޭ ކަމަށެވެ.
ލ. ގުރައިދޫ އޮންނަނީ، ލ. މާވަށުގެ އުތުރުންނެވެ. މި މަހުގެ ކުރީކޮޅު، އެ ރަށު ގޮނޑުދޮށުން ފެނުމުގެ ސަބަބުން، ފުލުހުން ވަނީ އެކަމާ ގުޅޭ ތަހްގީގެއް ވެސް ފަށާއިފަ އެވެ.