23 May 2016, 12:37
ރަސްމީ ދަތުރުފުޅެއްގައި ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް ހއ. ހޯރަފުއްޓަށް މިއަދު ފުރާވަޑައިގެންފި އެވެ.
އެ ދަތުރުފުޅުގައި، ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަދި ސަރުކާރު ކޯލިޝަންގެ އެމްޑީއޭ ލީޑަރު އަހުމަދު ސިޔާމް މުހައްމަދާއި އެންވަޔަރަންމަންޓް މިނިސްޓަރު ތާރިގު އިބްރާހީމުގެ އިތުރުން އެހެނިހެން ވަޒީރުން ބައިވެރިވެވަޑައިގަންނަވަ އެވެ.
ރައީސް ހޯރަފުއްޓަށް ކުރައްވާ އެ ދަތުރުފުޅުގައި އެ ރަށުގައި އެންވާރަމަންޓް މިނިސްޓްރީން އިން ކުރިއަށްގެން ދިޔަ ނަރުދަމާގެ މަޝްރޫއު އިފްތިތާހުކުރެއްވުމާއި އެ ރަށުގެ ގޮނޑުދޮށް ހިމާޔަތްކުރުމުގެ މަޝްރޫއުގެ އަމަލީ މަސައްކަތް ފައްޓަވައި ދެއްވާނެ ކަމަށް ރައީސް އޮފީހުން ބުންޏެވެ.
ހޯރަފުއްޓަށް ރައީސް ޔާމީން ކުރިން ވަޑައިގަތުމަށް ހަމަޖެހިފައި އޮތީ މިދިޔަ ހަފްތާގެ ހޯމަ ދުވަހު އެވެ. ނަމަވެސް މޫސުން ގޯސްވުމުގެ ސަބަބުން އެ ދަތުރު ވަނީ ފަސްކުރައްވައިފަ އެވެ.