05 Jul 2016, 21:32
ވަޒީފާއާ ބެހޭ ޓްރައިބިއުނަލުގެ ރައީސްގެ މަގާމަށް ގދ. ތިނަދޫ އަލްއުސްތާޒު ފާއިޒު ރަޝާދު އައްޔަނު ކުރައްވައިފި އެވެ.
ރައީސް އޮފީހުން މިއަދު ބުނީ އޭނާގެ އިތުރުން ވަޒީފާއާ ބެހޭ ޓްރައިބިއުނަލުގެ ނައިބު ރައީސްގެ މަގާމަށް ފ. ނިލަންދޫ ކަރަންކާގޭ އަލްއުސްތާޒު އިސްމާއީލް އަހުމަދު، ރައީސް އަބްދުﷲ ޔާމީނު އައްޔަންކުރައްވާފައިވާ ކަމަށެވެ.
ރައީސް ޔާމީނު މިއަދު ވަނީ، ފައިނޭންޝަލް ކޮންޓްރޯލަރުގެ މަގާމުގައި ހުންނެވި ހަދީޖާ ހުސެއިން މަގާމުން ވަކިކުރައްވައި އެ މަގާމަށް މ. ސްޓާ، ފާތިމަތު ރަޒީނާ އައްޔަންކުރައްވައިފައެވެ.
ރައީސް އޮފީހުން މިއަދު ބުނީ ފައިނޭންޝަލް ކޮންޓްރޯލާގެ މަގާމުގައި ހުންނެވި ހަދީޖާ ހުސައިން އިކޮނޮމިކް މިނިސްޓްރީގެ ނައިބަކަށް މިއަދު ބަދަލުކޮށްފައިވާ ކަމަށެވެ.