Last Updated: 9 year 4 month ago

Last Updated:
9 year 4 month ago

ޔޫރޯ 2016، ފައިނަލް: ފްރާންސް 0-1 ޕޯޗްގަލް

    ބުލޮގު ޚުލާސާ

    ޔޫރޯ 2016ގެ ފައިނަލްގައި ފްރާންސާއި ޕޯޗްގަލް ބައްދަލުކުރާ މެޗުގެ ޚާއްސަ ކަވަރޭޖަށް މަރުހަބާ!

    މި ދެ ޓީމު މިރޭގެ ފައިނަލަށް ނުކުނައިރު:

    • ދެފަހަރު ޔޫރޯ ކާމިޔާބުކޮށްފައިވާ ފްރާންސް ޕޯޗްގަލްއާ ދެކޮޅަށް މިފަހަރުގެ ފައިނަލަށް ނުކުންނަނީ އަމިއްލަ ފަސްގަނޑުގައި ބާއްވާ ބޮޑު މުބާރާތެއްގެ ތަށި ޖެހިޖެހިގެން ތިންވަނަ ފަހަރު އުފުލައިލުމުގެ އަޒުމުގައި.
    • ޕޯޗްގަލް މިފަހަރުގެ މުބާރާތަށް ކުރިމަތިލަނީ، 2004 ވަނަ އަހަރު އަމިއްލަ ފަސްގަނޑުގައި ޔޫރޯ ކާމިޔާބުކުރަން ލިބުނު ފުރުސަތު ހިތްދަތި ގޮތަކަށް ގެއްލި ދިޔަ މާޒީ ހަނދާނުން ފޮހެލައި ފުރަތަމަ ފަހަރަށް ޔޫރޯ ކާމިޔާބުކުރުމުގެ އުންމީދުގައި.
    • މިރޭގެ ފައިނަލަށް ނުކުންނައިރު ދެ ޓީމުވެސް އޮތީ މިފަދަ މެޗަކަށް ފުރިހަމައަށް ފައްކާވެފައި.
    • މިރޭގެ މެޗުގައި އެންމެ ބޮޑު ވާދަވެރިކަމެއް ފެންނާނެ ދެ ކުޅުންތެރީންނަކީ ފްރާންސްގެ 7 ނަންބަރު އެންޓޮއިން ގްރީޒްމަން އާއި ޕޯޗްގަލްގެ 7 ނަންބަރު ކްރިސްޓިއާނޯ ރޮނާލްޑޯ.
    • މިއީ ބޮޑު މުބާރާތެއްގައި މި ދެޓީމު ބައްދަލުކުރާ ހަތަރު ވަނަ ފަހަރު، ފްރާންސް ވަނީ ތިން ފަހަރު ޕޯޗްގަލްގެ މައްޗަށް ކުރި ހޯދާފައި؛ އެއީ މުޅިންވެސް ސެމީ ފައިނަލް (ޔޫރޯ 1984، ޔޫރޯ 2000، ވޯލްޑް ކަޕް 2006).
    • ފްރާންސް ވަނީ އެޓީމު ޕޯޗްގަލްއާ ދެކޮޅަށް އެންމެ ފަހުން ކުޅުނު 10 މެޗުން ވެސް މޮޅުވެފައި. މިއީ ފްރާންސް ލަގްޒަމްބާގު އަތުން ޖެހިޖެހިގެން 13 ފަހަރަށް މޮޅުވިފަހުން، އެޓީމުގެ މިހާރުގެ އެންމެ ރަނގަޅު ރެކޯޑް.
    • ޕޯޗްގަލް އެންމެ ފަހުން ފްރާންސް އަތުން މޮޅުވެފައި ވަނީ، އޭޕްރީލް 1975ގައި ކުޅުނު އެކުވެރިކަމުގެ މެޗަކުން (2-0). ފްރާންސާ ދެކޮޅަށް ޕޯޗްގަލް އެންމެ ފަހުން ކުޅުނު ހަތަރު މެޗަށް ބަލާއިރު އެޓީމަށް ފްރާންސް ގޯލް ފޫއަޅުވާލެވިފައި ވަނީ އެންމެ ފަހަރަކު، އެއީ އޮކްޓޯބަރު 2014ގައި ކުޅުނު މެޗެއްގައި ރިކާޑޯ ކަރެސްމާ ޖެހި ޕެނަލްޓީއަކުން.
    • ޔޫރަޕިއަން ޗެމްޕިއަންޝިޕްގެ ތާރީޚްގައި ތައްޓެއް ކާމިޔާބު ނުކުރެވި އެންމެ ގިނަ މެޗު ކުޅެފައިވާ ޓީމަކީ ޕޯޗްގަލް. (34 މެޗު. 0 ޓްރޮފީ).
    • ފްރާންސުން ވަނީ ދެ ފަހަރަކު ޔޫރޯ ކާމިޔާބުކޮށްފައި. އެއީ ޔޫރޯ 1984 އަދި ޔޫރޯ 2000. އޭގެ ތެރެއިން ޔޫރޯ 1984 ކާމިޔާބުކުރީ އަމިއްލަ ގައުމުގައި ކުޅެގެން.
    • ޕޯޗުގަލަށް ބޮޑު މުބާރާތެއްގެ ޗެމްޕިއަންކަން އެއްވެސް ފަހަރަކު ހޯދިފައި ނުވާ އިރު، އަމިއްލަ ގައުމުގައި ކުޅުނު ޔޫރޯ 2004ގެ ފައިނަލުގައި ޕޯޗުގަލް ބަލިވީ ގްރީސް އަތުން.
    02:41

    ޕޯޗުގަލް އެންމެ ފުރަތަމަ ޔޫރޯ އަކަށް ކޮލިފައިވެފައިވަނީ ފްރާންސްގައި 1984 ވަނަ އަހަރު ބޭއްވި ޔޫރޯ. ފްރާންސުން ޗެމްޕިއަންކަން ހޯދި އެ މުބާރާތުގެ ތިން ވަނަ ހޯދާފައިވަނީ ޕޯޗްގަލް. އެއަށްފަހު އައި ދެ ޔޫރޯ އަށް ކޮލިފައިނުވެ ޕޯޗުގަލުން ދެން ކުރިމަތިލީ އިނގިރޭސިވިލާތުގައި 1996 ވަނަ އަހަރު ބޭއްވި ޔޫރޯއާ. އެ ފަހަރު ކުއާޓާ ފައިނަލާ ހަމައަށް ދަތުރުކުރި ޕޯޗުގަލުން ބެލްޖިއަމް އާއި ނެދަލެންޑްސްގައި 2000 ވަނަ އަހަރު ބޭއްވި ޔޫރޯގެ ސެމީ ފައިނަލާ ހަމައަށް ދަތުރުކުރި. އެއަށްފަހު ދެން ޕޯޗުގަލުން ކުރިމަތިލީ އަމިއްލަ ގައުމުގައި 2004 ވަނަ އަހަރު ބޭއްވި ޔޫރޯއާ. އެ ފަހަރު ޕޯޗުގަލުން ފައިނަލާ ހަމައިން ބަލިވީ ގްރީސް އަތުން. ޔޫރޯ 2008ގެ ކުއާޓާއާ ހަމައަށް ޕޯޗުގަލް ދަތުރުކުރި އިރު، ޔޫރޯ 2012ގެ ސެމީއާ ހަމައަށް ދަތުރުކޮށްފައިވޭ. އަދި ޔޫރޯ 2016ގައި އަމިއްލަ ދަނޑުގައި ކުޅެމުންދިޔަ ފްރާންސް ބަލިކޮށް، ފުރަތަމަ ފަހަރަށް ޔޫރޯ އަދި ބޮޑު މުބާރާތެއްގެ ޗެމްޕިއަންކަން ޕޯޗުގަލް ވަނީ ހޯދާފައި.

    02:37

    ކްރިސްޓިއާނޯ ރޮނާލްޑޯ އަށް އަނިޔާވެގެން ބާލަން ޖެހުނު ނަމަވެސް، ގައުމީ ޓީމާއެކު އޭނާ އަށް ވަނީ މުބާރާތެއް ކާމިޔާބު ކުރެވިފައި.

    02:35

    މިއީ ޕޯޗުގަލް އިން ބޮޑު މުބާރާތެއް ކާމިޔާބުކުރި ފުރަތަމަ ފަހަރު. ކުރިން ޕޯޗުގަލް އިން އަމިއްލަ ގައުމުގައި ކުޅުނު ޔޫރޯ 2004ގެ ފައިނަލަށް ދަތުރުކުރި ނަމަވެސް، އެ ފަހަރު ގްރީސް އަތުން 1-0 ލަނޑުން ވަނީ ބަލިވެފައި.

    02:33

    އިތުރު ވަގުތުގެ ދެވަނަ ހާފު ނިމިއްޖެ. އަމިއްލަ ދަނޑުގައި ކުޅުނު ފްރާންސްގެ މައްޗަށް 1-0 ލަނޑުން މޮޅުވެ، ޕޯޗުގަލް ވަނީ ޔޫރޯގެ ޗެމްޕިއަން ހޯދާފައި.

    02:31

    އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.

    02:25

    "114- ޖޮއާއޯ މާރިއޯ ކުރި ފައުލަކާ ގުޅިގެން ޕޮގްބާ އަށް ރީނދޫ ކާޑެއް ދައްކައިފި.

    02:22

    "111- އެވްރާ ނަގައިދިން ހުރަސް ނުރައްކާވުމުގެ ކުރިން ޕޯޗުގަލްގެ ޕެނަލްޓީ އޭރިޔާ ތެރެއިން ކީޕަރު ޕެޓްރީސިއޯ އެ ބޯޅަ ހޯދައިފި.

    02:20

    ފްރާންސްގެ ޕެނަލްޓީ އޭރިޔާ ބޭރުން އެޑާ އުފެއްދި ހަމަލާ އަމާޒުވީ ގޯލުގެ ތިރީ ކަނަށް.

    02:19

    "108- ޕޯޗުގަލުން ލީޑު ނަގައިފި. އެ ލަނޑު ޕޯޗުގަލަށް ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް އެޑާ.

    02:18

    "107- ޕޯޗުގަލަށް ފުރުސަތެއް. ހިލޭ ޖެހުމަކުން ރަފައެލް ގުރޭރޯ ފޮނުވާލި ހަމަލާ އަމާޒުވީ ގޯލުގެ ހުރަސް ދަނޑި އަށް.

    02:15

    އިތުރު ވަގުތުގެ ދެވަނަ ހާފުގެ ކުޅުން ފަށައިފި.

    02:13

    އިތުރު ވަގުތުގެ ފުރަތަމަ ހާފު ނިންމާލައިފި. އަދިވެސް ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހޭ.

    02:12

    "103- ޕޯޗުގަލަށް ރަނގަޅު ފުރުސަތެއް. ކަރެސްމާ ނަގައިދިން ކޯނަރަކުން ފްރާންސްގެ ޕެނަލްޓީ އޭރިޔާ ތެރޭގައި ހުރެފައި އެޑާ ބޮލުން އުފެއްދި ހަމަލާ، ކީޕަރު ލޮރިސް ވަނީ މަތަކޮށްފަ.

    02:06

    "98- ކޮމަން އަށް ކުރި ފައުލަކާ ގުޅިގެން ޕޯޗުގަލްގެ ވިލިއަމް ކަވާޅިއޯ އަށް ރީނދޫ ކާޑެއް.

    02:05

    "96- އެޑާ އަށް ކުރި ފައުލަކާ ގުޅިގެން ފްރާންސްގެ މަޓުއިޑީ އަށް ރީނދޫ ކާޑެއް ދައްކައިފި.

    01:58

    އެކްސްޓްރާ-ޓައިމް: ފުރަތަމަ 15 މިނިޓްގެ ކުޅުން ފަށައިފި.

    01:54

    ދެން އޮންނާނީ އިތުރު ވަގުތުގެ 30 މިނިޓް.

    01:53

    މެޗުގެ 90 މިނިޓްގެ ކުޅުން ނިމިއްޖެ. އެއްވެސް ޓީމަކަށް ލަނޑެއް ނުޖެހޭ.

    01:52

    "92- ފްރާންސަށް ރަނުގެ ފުރުސަތެއް ގެއްލުނީ. ޕޯޗްގަލް ގޯލް އޭރިޔާ ތެރޭން ޖިގްނަކް ފޮނުވާލި ބޯޅަ ގޯލް ދަނޑީގައި ޖެހިފައި ބޭރަށް ނުކުތީ.

    01:50

    މެޗުގެ ފުރިހަމަ ވަގުތު ހަމަވެ އިތުރު ވަގުތުގެ ގޮތުގައި 3 މިނިޓް.

    01:47

    މެޗުގެ ފުރިހަމަ ވަގުތު ހަމަވާން ބާކީ 2 މިނިޓް. އަދި އެއްވެސް ޓީމަކަށް ލަނޑެއް ނުޖެހޭ.

    01:43

    "85- ޕޯޗްގަލް ގޯލަށް ސިސޯކޯގެ ނުރައްކާތެރި ހަމަލާއެއް. ޕޯޗްގަލް ޕެނަލްޓީ އޭރިޔާގެ ބޭރުން ސިސޯކޯ ފޮނުވާލި ބާރު ބޯޅަ ކީޕަރު ރުއީ ޕެޓްރީސިއޯ އަތުން ޖަހައި ދިފާއުކުރީ.

    01:40

    "79- ޕޯޗްގަލްގެ ހަމަލާއެއް. ފްރާންސްގެ ޕެނަލްޓީ އޭރިޔާ ތެރޭން ކަރެސްމާއަށް ލިބުނު ބޯޅަ ގޯލަށް ފޮނުވާލި. އެހެންނަމަވެސް ކީޕަރު ލޮރިސް އެ ބޯޅަ މަތަކުރީ.

    01:38

    "78-ބަދަލެއް.ފްރާންސުން ޖިރޫގެ ބަދަލުގައި ގިގްނަކް ކުޅެން އަރައިފި. ފޯޗްގަލުން ރެނާޓޯ ސަންޗޭޒްގެ ބަދަލުގައި އެޑާ ކުޅެން އަރައިފި.

    01:37

    "76- ކޯމަން ވަރަށް ރީތިކޮށް ޕޯޗްގަލް ގޯލް ކުރިމައްޗަށް ނަގައިދިން ހުރަސް، ގޯލް ކުރިމަތީގައި ހުރި ޖިރޫއަށް ފޮނުވާލެވޭގޮތެއް ނުވި.

    01:27

    "66-ޕޯޗްގަލް ޓީމުން ބަދަލެއް.އެޑްރެއިން ސިލްވާގެ ބަދަލުގައި ކުޅެން އެރީ ޖޯއާއޯ މޮއުޓީނިއޯ.

    01:26

    "65- ޕޯޗްގަލް ޕެނަލްޓީ އޭރިޔާ ތެރޭން ގޯލް ކުރިމަތިން ގްރީޒްމަން ބޮލުން ފޮނުވާލި ބޯޅަ ގޯލަށް އަމާޒެއް ނުވި. ލަނޑު ޖަހަން ލިބުނު ވަރަށް ރަނގަޅު ފުރުސަތެއް ގެއްލުނީ.

    01:22

    "62- ޖިރޫއަށް ފައުލުކުރުމާ ގުޅިގެން ޕޯޗްގަލްގެ ޖޯ މަރިއޯއަށް ރީނދޫ ކާޑެއް.

    01:11

    "51- ސިސޯކޯ ވަރަށް ރީތިކޮށް ޕޯޗްގަލް ގޯލް ކުރިމަށްޗަށް ހުރަސްކޮށްލި ބޯޅަ ފްރާންސް ކުޅުންތެރިއަކަށް ލިބުމުގެ ކުރީން ޕޯޗްގަލް ޑިފެންޑަރުން ކޯނަރަކަށް ބޯޅަ ބޭރުކޮށްލީ.

    01:05

    ދެވަނަ ހާފް ފަށައިފި.

    01:04

    ދެވަނަ ހާފްގެ ކުޅުން ފެށުމަށް ދެޓީމުގެ ކުޅުންތެރީންނާއި އޮފިޝަލުން ދަނޑަށް ނުކުމެއްޖެ.

    00:59

    ފްރާންސާއި ޕޯޗްގަލް މިހާތަނަށް 24 ފަހަރު ބައްދަލުކޮށްފައި ވާއިރު އޭގެ ތެރޭން 18 މެޗުން ފްރާންސްވަނީ މޮޅުވެފައި. 1 މެޗު އެއްވަރު. ޕޯޗްގަލް 5 މެޗުން މޮޅުވެފައި.

    ފްރާންސް ވަނީ ޖުމުލަ 49 ލަނޑު ޕޯޗްގަލް ކޮޅަށް ޖަހާފައި، ޕޯޗްގަލް ވަނީ ފްރާންސް ކޮޅަށް 28 ލަނޑު ޖަހާފައި.

    00:57

    ބޯލް ޕޮޒިޝަނަށް ބަލާއިރު ފުރަތަމަ ހާފްގެ އެވްރެޖް އުޅެނީ، ފްރާންސް %55، ޕޯޗްގަލް %45.

    00:56

    ފުރަތަމަ ހާފްގައި ފްރާންސަށް 3 ކޯނަރު، ޕޯޗްގަލަށް 2 ކޯނަރު.

    00:55

    ފުރަތަމަ ހާފުގައި ދެޓީމުގެ ކުޅުމަށް ބަލާއިރު، ފްރާންސުން ވަނީ 7 ހަމަލާ އުފައްދައި އޭގެ ތެރޭން 3 ހަމަލާ ގޯލަށް އަމާޒުކޮށްފައި. ޕޯޗްގަލަށް އުފެއްދުނީ އެންމެ 3 ހަމަލާ، އެއިން އެންމެ ހަމަލާއެއްވެސް ގޯލަށް އަމާޒުކޮށެއް ނުލެވުނު.

    00:50

    ފުރަތަމަ ހާފް ނިމިއްޖެ.އެއްވެސް ޓީމަކަށް ލަނޑެއް ނުޖެހޭ.

    00:47

    ފުރަތަމަ ހާފްގެ ފުރިހަމަ ވަގުތު ހަމަވެ އިތުރު ވަގުތުގެ ގޮތުގައި 2 މިނިޓް ދައްކައިފި.

    00:36

    "34- ޕޯޗްގަލްގެ ސެޑްރިކަށް ރީދޫ ކާޑެއް. އޭނާއަށް ކާޑު ދެއްކީ ޕަޔެޓަށް ފައުލުކުރުމާ ގުޅިގެން.

    00:35

    "33- ފްރާންސްގެ ހަމަލާއެއް. ސިސޯކޯއަށް ޕޯޗްގަލް ޕެނަލްޓީ އެރިޔާތެރޭން ލިބުނު ބޯޅަ ވަރަށް ރީތިކޮށް ކޮންޓްރޯލްކޮށްލާފައި ގޯލަށް ފޮނުވާލި ނަމަވެސް ކީޕަރު އެބޯޅަ ދިފާއުކުރީ.

    00:27

    "25 -ޕޯޗްގަލް ޓީމުން ބަދަލެއް.ކެޕްޓަން ރޮނާލްޑޯގެ ބަދަލުގައި ކުޅެން އެރުވީ ރިކާޑޯ ކަރެސްމާ.

    ޔޫރޯ 2016 ފައިނަލްގައި ފްރާންސާއި ޕޯޗްގަލް ކުޅެ މެޗުގެ ތެރޭން -- ފޮޓޯ: އޭޕީ
    00:25

    ރޮނާލްޑޯއަށް އަނެއްކާ ވެސް އަނިޔާވެގެން ސްޓްރެޗަރގައި ދަނޑުން ބާލަނީ.

    00:22

    ފަރުވާއަށްފަހު ރޮނާލްޑޯ އަލުން ދަނޑަށް ނުކުމެއްޖެ.

    00:20

    ރޮނާލްޑޯއަށް އިތުރަށް ފަރުވާ ދިނުމަށް އޭނާ މިހާރު ދަނޑުން ބާލައިފި. ކުޅުން ކުރިއަށް ދަނީ.

    00:18

    ރޮނާލްޑޯއަށް އަނިޔާވެގެން ފަރުވާ ދެނީ. އޭނާއަށް އަނިޔާ ލިބުނީ، ޕަޔެޓް ބޯޅަ ހޯދަން އުޅުމުގެ ތެރޭގައި އޭނާގެ ފައިގައި ޖެހުމުން.

    00:17

    ޔޫރަޕިއަން ޗެމްޕިއަންޝިޕްގެ ތާރީޚްގައި ތައްޓެއް ކާމިޔާބު ނުކުރެވި އެންމެ ގިނަ މެޗު ކުޅެފައިވާ ޓީމަކީ ޕޯޗްގަލް. (34 މެޗު. 0 ޓްރޮފީ).

    00:16

    ފްރާންސުން ވަނީ ދެ ފަހަރަކު ޔޫރޯ ކާމިޔާބުކޮށްފައި. އެއީ ޔޫރޯ 1984 އަދި ޔޫރޯ 2000. އޭގެ ތެރެއިން ޔޫރޯ 1984 ކާމިޔާބުކުރީ އަމިއްލަ ގައުމުގައި ކުޅެގެން.

    00:15

    ޕޯޗްގަލް އެންމެ ފަހުން ފްރާންސް އަތުން މޮޅުވެފައި ވަނީ، އޭޕްރީލް 1975ގައި ކުޅުނު އެކުވެރިކަމުގެ މެޗަކުން (2-0).

    ފްރާންސާ ދެކޮޅަށް ޕޯޗްގަލް އެންމެ ފަހުން ކުޅުނު ހަތަރު މެޗަށް ބަލާއިރު އެޓީމަށް ފްރާންސް ގޯލް ފޫއަޅުވާލެވިފައި ވަނީ އެންމެ ފަހަރަކު، އެއީ އޮކްޓޯބަރު 2014ގައި ކުޅުނު މެޗެއްގައި ރިކާޑޯ ކަރެސްމާ ޖެހި ޕެނަލްޓީއަކުން.

    00:15

    މިއީ ބޮޑު މުބާރާތެއްގައި މި ދެޓީމު ބައްދަލުކުރާ ހަތަރު ވަނަ ފަހަރު، ފްރާންސް ވަނީ ތިން ފަހަރު ޕޯޗްގަލްގެ މައްޗަށް ކުރި ހޯދާފައި؛ އެއީ މުޅިންވެސް ސެމީ ފައިނަލް (ޔޫރޯ 1984، ޔޫރޯ 2000، ވޯލްޑް ކަޕް 2006).

    00:12

    "9- އަނެއްކާވެސް ފްރާންސްގެ ހަމަލާއެއް. ޕޯޗްގަލް ޕެނަލްޓީ އޭރިޔާތެރެއަށް ފްރާންސް ކުޅުންތެރީން ހުރަސްކޮށްލި ބޯޅަ ގޯލް ކުރިމަތީގައި ހުރި ގްރީޒްމަން ބޮލުން ޖަހައި ގޯލަށް ފޮނުވާލީ، އެހެން ނަމަވެސް ޕޯޗްގައި ކީޕަރުގެ އަތުގައި ޖެހިފައި ބޯޅަ ކޯނަރަކަށް ބޭރުވީ.

    00:08

    "6- ފްރާންސަށް އަނެއްކާވެސް ރަނގަޅު ފުރުސަތެއް. މަޓުއިޑީ ވަރަށް ރީތިކޮށް، ޕޯޗްގަލް ޕެނަލްޓީ އޭރިޔާތެރޭގައި ހުރި ގްރީޒްމަންއަށް ޖައްސާލި ބޯޅަ، ގްރީޒްމަން އަށް ގޯލަށް އަމާޒުކޮށްލެވޭ ގޮތެއް ނުވި.

    00:07

    5" ޕޯޗްގަލް ޕެނަލްޓީ އޭރީޔާ ބޭރުން ސިސޯކޯއަށް ލިބުނު ބޯޅައެއް ފަޔަށް ހެޔޮވަރުކޮށްލާފައި ގޯލަށް ފޮނުވާލި ނަމަވެސް ބޯޅަ ދިޔައީ މާބޮޑަށް މަތިން ބޭރަށް.

    00:06

    4"- ފްރާންސްގެ ޕެނަލްޓީ އޭރިޔާ ތެރޭން ނާނީއަށް ލިބުނު ބޯޅަ މެއިން ކޮންޓްރޯލް ކޯށްލާފައި ފޮނުވާލި ނަމަވެސް ގޯލަށް އަމާޒުކޮށްލެވޭ ގޮތެއް ނުވި.

    00:02

    މެޗު ފަށައިފި.

    ސެއިންޓް-ޑެނިސްގެ ސްޓާޑޭ ޑީ ފްރާންސްގައި ކުރިއަށްދާ ޔޫރޯ 2016 ކްލޯޒިންގެ ހަރަކާތްތައް -- ފޮޓޯ: އޭޕީ
    23:58

    ޕޯޗްގަލްގެ ގައުމީ ސަލާމަށް ފަހު މިހާރު ކުރިއަށް ދަނީ ފްރާންސްގެ ގައުމީ ސަލާމް.

    23:49

    މިހާރު ކުރިއަށް ދަނީ ފައިނަލް މެޗުގެ ކުރިން ބާއްވާ، މުބާރާތުގެ ކްލޯޒިންގެ ބައެއް ހަރަކާތްތަށް.

    23:45

    މިޓްރޮފީގައި މިރޭ ބީހިލުމުގެ ފުރުސަތު ލިބޭނީ ކޮން ޓީމަކަށްބާ؟ ފްރާންސާއި ކެޕްޓަން ލޮރިސްއަށް؟ ނުވަތަ ޕޯޗްގަލްއާއި ކެޕްޓަން ކްރިސްޓިއާނޯ ރޮނާލްޑޯ؟

    23:35

    މި ޒުވާން ކުޅުންތެރިޔާއަށް ބޮޑު ރެއެއް: މިހާރު އުމުރުން 18އަހަރާ 326 ދުވަސް ވެފައިވާ ރެނާޓޯ ސަންޗޭޒް ވެގެންދާނީ ޔޫރޯގެ ތާރީޚުގައި ވެސް ފައިނަލް މެޗުގައި ކުޅޭ އެންމެ ޒުވާން ކުޅުންތެރިޔާއަށް. އެހެންކަމުން މިރޭގެ ފައިނަލް މެޗުން މޮޅުވެ، ޕޯޗްގަލަށް ފުރަތަމަ ފަހަރަށް ޔޫރޯ ހޯދައިދިނުމާކީ އޭނާގެ ފުޓްބޯޅަ ކެރިއަރުގައިވެސް ލިބޭނޭ އެންމެ ބޮޑު ފަޚުރަށް ވެގެންދާނޭކަން ޔަގީން.

    ޕޯޗްގަލްގެ އަރަމުން އަންނަ ތަރި ރެނާޓޯ ސަންޗޭޒް --
    23:31

    ޕޯޗްގަލްގެ ފުރަތަމަ 11:

    • 1- ރުއީ ޕެޓްރީސިއޯ (ގޯލްކީޕަރު)
    • 3- ޕެޕޭ
    • 4- ހޯޒޭ ފޮންޓޭ
    • 5- ރަފައެލް ގުއެރެއިރޯ
    • 7- ކްރިސްޓިއާނޯ ރޮނާލްޑޯ (ކެޕްޓަން)
    • 10- ޖޯއާ މާރިއޯ
    • 14- ވިލިއަމް ކަވާލިއޯ
    • 16- ރެނާޓޯ ސަންޗޭޒް
    • 17- ނާނީ
    • 21- ސެޑްރީޗް
    • 23- އެޑްރިއެން ސިލްވާ

    ކޯޗް:ފެނާންޑޯ ސަންޓޯސް

    23:26

    ފްރާންސްގެ ފުރަތަމަ 11:

    • 1- ހޫގޯ ލޮރިސް (ގޯލްކީޕަރު އަދި ކެޕްޓަން)
    • 3- ޕެޓްރިސް އެވްރާ
    • 7- އެންޓޮއިން ގްރީޒްމަން
    • 8- ޑިމިޓްރީ ޕަޔެޓް
    • 9- އޮލިވާ ޖިރޫ
    • 14- ބްލައިސޭ މަޓުއިޑީ
    • 15- ޕައުލް ޕޮގްބާ
    • 18- މޫސާ ސިސޯކޯ
    • 19- ބަކްރީ ސަންޏާ
    • 21- ލޮރެންޓް ކޮސިލްނީ
    • 22- ސެމުއެލް އަމްޓިޓީ

    ކޯޗް:ޑިޑިއަ ޑި ޝޯމްޕް