20 Jul 2016, 10:22
ހދ. ކުމުންދު އަށް އީދު ޗުއްޓީ އަށް ގޮސް އުޅުނު ޒުވާނާ ހޮވި މާހަވަރުގެ އަގު 19 މިލިއަން ރުފިޔާ އަށް ވުރެ މައްޗަށް އަގު ގޮސްފައިވާ ކަމަށް އޭނާ ބުނެފި އެވެ.
ނަން ހާމަ ނުކުރުމަށް ޝަރުތުކޮށް އޭނާ މިއަދު ސަން އަށް ބުނީ "ބުރައުން" އެ މާވަހަރުގައި 47 ކިލޯ ހުރި އިރު ގުރާމެއް 28 ޑޮލަރަށް އަށް ގަތުމަށް ބޭރުގެ ފަރާތަކުން ނިންމާފައިވާ ކަމަށެވެ.
އެ އަގަށް އެ މާވަހަރު ވިއްކައިފި ނަމަ އެ މާވަހަރުގެ އަގު 19429200 ރުފިޔާ އަށް އަރައެ ވެ.
"މާވަހަރެއްކަން ޔަގީން، ބޭރު ބަޔަކު ބަލާފައި ވެސް ހިނގައްޖެ، ވަރަށް އަވަހަށް ވިއްކާލާނަން،" އޭނާ ބުންޏެވެ.
ކުމުންދޫ އަންހެނަކާ އިންދެގެން އުޅޭ މާލެއަށް ނިސްބަތްވާ އެޒުވާނާ އެމާވަހަރު ހޮވާފައި ވަނީ މިމަހު ނުވަ ވަނަ ދުވަހު ހެނދުނު އޭނާގެ ދަރިފުޅު ގޮވައިގެން މޫދު ބަލާލަން ގޮސް އުޅުމުގެ ތެރޭގައި އެ ރަށު ބޮޑުމަގު އަތިރިންނެވެ.