01 Aug 2016, 17:02
އެމްއެންޑީއެފާއި އިންޑިއާގެ އަސްކަރިއްޔާ ގުޅިގެން އއ. އަތޮޅާއި އދ. އަތޮޅުގެ ރަށްތަކުގައި މެޑިކަލް ކޭމްޕެއް ފަށައިފި އެވެ.
އެމްއެންޑީއެފުން ބުނީ، ދިވެހި އަސްކަރިއްޔާ އާއި އިންޑިއާގެ އަސްކަރިއްޔާގެ ޑޮކްޓަރުންގެ ޓީމެއް ގުޅިގެން މިއަދުން ފެށިގެން މިމަހުގެ ހަވަނަ ދުވަހުގެ ނިޔަލަށް ކުރިއަށްގެންދާ އެ މެޑިކަލް ކޭމްޕް މިއަދު ފަށާފައިވަނީ އއ. ތޮއްޑޫއިން ކަމަށެވެ.
ތޮއްޑޫގެ އިތުރުން އެ އަތޮޅު ރަސްދޫ، މަތިވެރި، އުކުޅަސް، ހިމަންދޫ، ފެރިދޫ، މާޅޮސް އަދި ބޮޑުފޮޅަދޫގައި އެ ކޭމްޕު ކުރިއަށްގެންދާނެ އެވެ. އަދި އދ. އަތޮޅުގައި މި ޕްރޮގުރާމު ކުރިއަށްގެންދާނީ މަހިބަދޫ، ހަންޏާމީދޫ، އަދި މާމިގިލީގަ އެވެ.
އެމްއެންޑީއެފް މާލޭ އޭރިއާގެ ބެލުމުގެ ދަށުން ކުރިއަށްގެންދާ އެ ކޭމްޕްގައި ބަލި މީހުން ބަލަމުން ދަނީ އެކި ދާއިރާތަކަށް ހާއްސަވެފައިވާ އިންޑިއާގެ އަސްކަރިއްޔާގެ ޑޮކްޓަރުންގެ ޓީމަކުން ނެވެ.
އެ ޓީމުގައި ހިމެނޭ އަންހެނުންގެ ބަލިތަކަށް ހާއްސަ ޑޮކްޓަރަކާއި ކުޑަކުދިންގެ ހާއްސަ ޑޮކްޓަރެއްގެ އިތުރުން އެތެރެހަށީގެ ބަލިތަކަށް ހާއްސަ ޑޮކްޓަރެއް އެ ކޭމްޕްގައި ބަލި މީހުން ބަލާނެ ކަމަށް އެމްއެންޑީއެފުން ބުނެ އެވެ.