25 Aug 2016, 11:22
ބޯގޮޓާ (އޮގަސްޓް 24): ފަސް އަހަރުވީ ހަމަނުޖެހުންތަކަށް ނިމުމެއް ގެނައުމަށް ޓަކައި ކޮލަމްބިއާގެ ސަރުކާރާއި އިދިކޮޅު، ރިވޮލިއުޝަނަރީ އާމްޑް ގްރޫޕް އޮފް ކޮލަމްބިއާ (ފާކް) އިން ސުލްހައިގެ އެއްބަސްވުމެއްގައި ސޮއިކޮށްފި އެވެ.
ހަތަރު އަހަރު ވަންދެން ކިއުބާގައި ކުރިއަށް ގެންދިޔަ ސުލްހައިގެ ވާހަކަތަކަށް ފަހު ފާކް އިން ވަނީ ހަތިޔާރު ބޭނުން ކުރުން ހުއްޓާލުމަށް ފަހު، ސިޔާސީ ޕާޓީއަކަށް ޖަމާއަތް ބަދަލު ކުރުމަށް ސަރުކާރާ އެކު އެއްބަސްވުމެއްގައި ސޮއިކޮށްފަ އެވެ.
"ހަމަނުޖެހުންތައް ހުއްޓާލައި ސުލްހަ ގާއިމު ކުރުމަށް ކޮލަމްބިއާ ސަރުކާރާއި ފާކްއިން އެންމެ ފަހު، ފުރިހަމަ އެއްބަސްވުމަކަށް އައިސްފައިވާ އިއުލާން ކުރަން،" ކިއުބާގައި ދެ ފަރާތުން ނެރުނު ބަޔާނެއްގައިވެ އެވެ.
އެއެއްބަސްވުމާ ބެހޭ ގޮތުން ކޮލަމްބިއާ ރައްޔިތުންގެ ހިޔާލު ހޯދުމަށް އަންނަ އޮކްޓޯބަރު މަހު ފެންނަ ނުފެންނަ ވޯޓެއް ބޭއްވުމަށް ވަނީ ހަމަޖެހިފަ އެވެ.
ހަތިޔާރު އެޅި ޖަމާއަތެއް ކަމަށްވާ ފާކް އާއި ކޮލަމްބިއާ ސަރުކާރާ ދެމެދު ހިނގި ހަމަނުޖެހުންތަކުގައި މިހާތަނަށް 220،000 މީހަކު މަރުވެ އެތައް މިލިއަން މީހުންނަށް ވަނީ އޭގެ ނޭދެވޭ އަސަރުކޮށްފަ އެވެ. (އަލްޖަޒީރާ)