13 Oct 2016, 13:50
ދުބާއީިން ރާއްޖެއައި ދިވެއްސަކާއި ބްރެޒިލުން ރާއްޖެއައި ބޮލީވިއާ އަންހެނަކު ރާއްޖެ އެތެރެކުރަން އުޅުނު ޖުމުލަ 3.6 ކިލޯގެ މަސްތުވާތަކެތި ކަސްޓަމްސްއިން އަތުލައިގެންފިއެވެ.
ކަސްޓަމްސްއިން ބުނި ގޮތުގައި، 3.6 ކިލޯގެ މަސްތުވާތަކެތި، އެއާޕޯޓުން އަތުލައިގެންފައިވަނީ މިދިޔަ މަހުގެ ފަހުކޮޅާއި، މި މަހުގެ ތެރޭގައެވެ.
އެގޮތުން، ނިމިދިޔަ ސެޕްޓެމްބަރު މަހުގެ 26 ވަނަ ދުވަހު، ބްރެޒިލުން ރާއްޖެއައި ބޮލީވިއާގެ އަންހެނެއްގެ އަމަލުތައް ހުރި ގޮތުން އޭނާގެ ތަކެތި ބަލައި ފާސްކުރި އިރު އޭނާގެ ފޮށިތަންމަތިން 2.8 ކިލޯގެ މަސްތުވާތަކެތި ފެނިފައިވާ ކަމަށް ކަސްޓަމްސްއިން ބުނެއެވެ.
އަދި އެ އަންހެން މީހާ ހުރީ ކޮކޭންއަށް ޕޮޒިޓިވް ވެފައި ކަމަށް ވެސް ކަސްޓަމްސްއިން ބުނެއެވެ.
މީގެ އިތުރުން، ކަސްޓަމްސްއިން ބުނީ މި ހަފްތާގެ ހޯމަ ދުވަހު ދުބާއީއިން ރާއްޖެ އައި ދިވެއްސެއްގެ އަމަލުތައް ހުރި ގޮތުން އޭނާ ބަލައި ފާސްކުރި އިރު އޭނާގެ ފޮށިތަންމަތިން 840 ގްރާމްގެ މަސްތުވާތަކެތި ފެނިފައިވާ ކަމަށާއި، އޭނާ ހުރީ ހެރޮއިންއަށް ޕޮޒިޓިވް ވެފައި ކަމަށެވެ.
ކަސްޓަމްސްއިން ބުނީ އެ ދެމީހުން ވެސް ފުލުހުންނާ ހަވާލު ކޮށްފައިވާ ކަމަށާއި، ދެ މައްސަލަ ވެސް ދަނީ ތަހުގީގު ކުރަމުން ކަމަށެވެ.