18 Oct 2016, 18:57
އެމެރިކާގެ އެންމެ ބޮޑު ސިޓީ، ނިއު ޔޯކް ސިޓީގައި ބޭނުންނުކޮށް ގިނަ ދުވަސް ތަކެއްވަންދެން ހުރި ސްޓޯރޭޖެއްގެ ތެރޭގައި ހުރި ފްރީޒަރުތަކެއްގެ ތެރެއިން މަރުވެ، ގަނޑުވެފައި އޮތް 40 ބުޅާ އެ ސްޓޭޓުގެ ފުލުހުންނަށް ފެނިއްޖެ އެވެ.
ނިއު ޔޯކް ސިޓީގެ ފުލުހުން ސީބީއެސް ނިއު ޔޯކަށް ބުނި ގޮތުގައި، އެ ބުޅާތައް ފެނިފައިވަނީ ދެ ފްރީޒަރެއްގެ ތެރެއިންނެވެ. އަދި ބައެއް ބުޅާތައް ގަނޑުވެ އެކަތި އަނެކައްޗާ އެކުވެފައި ހުރުމުން، މަރުވެފައި ތިބި ބުޅަލުގެ އަދަދު އިތުރުވުން ގާތް ކަމަށް ބުނެފައިވެ އެވެ.
ފެނުނު ބައެއް ބުޅާތައް ކޮތަޅުތަކަށްލައި ބަންދުކޮށްފައި އޮތްއިރު، އެއް ބުޅަލުގެ ހަންގަނޑު އޮތީ ނޮޅާލާފައެވެ. އަދި އިތުރު ތިން ބުޅަލެއް އެލުމިނިއަމް ޓްރޭއެއްގެ ތެރެއަށް ލާފައި އޮއްވައި ވަނީ ފެނިފައެވެ.
ނިއު ޔޯކް ސިޓީގެ ފުލުހުންނަށް އެ ބުޅާތައް ފެނުނީ، ދެ އަހަރު ކުރިން އެ ސްޓޯރޭޖް ކުއްޔަށް ނަގައިގެން އުޅުނު އަންހެނަކު، މިއަހަރުގެ ޖުލައި މަހުން ފެށިގެން އެތަނަށް ކުލި ދެއްކުން ހުއްޓާލުމުން، އޭނާގެ އަތުން އެތަން ނަގައި ބީލަމަށްލުމުނ،ް އެތަން ގަތް މީހާއަށް އެ ބުޅާތައް ފެނުމުންނެވެ.
އެ މައްސަލަ ނިއު ޔޯކް ޕޮލިސް ޑިޕާޓްމަންޓް (އެންވައިޕީޑީ)ގެ އެނިމަލް ކުރުއެލްޓީ ސްކޮޑުން ތަހުގީގު ކުރަމުންދާއިރު، އެއްވެސް މީހަކު އަދި ހައްޔަރުކޮށްފައެއް ނުވެއެވެ.