18 Nov 2016, 20:12
"ކުރިމަގު" ނަމަކަށްކިޔާ 75 ފޫޓޫގެ ދޯންޏެއް ތުޅާގިރި އައިލެންޑް ރިސޯޓް ކައިރީ އޮތް ފަރަކަށް އަރައިފި އެވެ.
އެމްއެންޑީއެފުން ބުނީ އެ ދޯނި ފަރަށްއެރި ކަމުގެ މައުލޫމާތު ހަވީރު 4:00 ހާއިރު ލިބުމާ އެކު، ހާބަރ ކްރާފްޓް ލޯންޗްގައި ޑައިވަރުންގެ ޓީމެއް އެ ސަރަހައްދަށް ގޮސް އެހީތެރިކަން ފޯރުކޮށްދޭން ފަށާފައިވާ ކަމަށެވެ.
އެ ހާދިސާ ހިނގި އިރު ދޯނީގައި ތިބީ ތިން ފަޅުވެރިން ކަމަށާއި، އޭގެން އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެ ދޯނީގެ ކެޕްޓަނާ ހަވާލާދީ އެމްއެންޑީއެފުން ބުނެ އެވެ.
އެމްއެންޑީއެފުން ބުނީ އަދިވެސް ދޯނި ފުން ނުކުރެވޭ ކަމަށާއި، ފުން ކުރުމުގެ މަސައްކަތް އެ ދޯނީގެ ވެރިފަރާތާ ގުޅިގެން މިހާރުވެސް ކުރަމުން އަންނަ ކަމަށެވެ.
އެ ދޯންޏަށް ލިބިފައިވާ ގެއްލުމުގެ މައުލޫމާތެއް އަދި ވަނީ ލިބޭ ގޮތް ނުވެފަ އެވެ.