17 Dec 2016, 17:56
ޕަޕުއާ ނިއު ގިނީގެ އިރުން 157 ކިލޯމީޓަރު ދުރަށް 7.9 މެގްނިޓިއުޑުގެ ބާރުގަދަ ބިންހެލުމެއް އަތުވެއްޖެ ކަމަށް ޔޫއެސް ޖިއޮލޮޖިކަލް ސާވޭއިން ބުނެފި އެވެ.
އެބިންހެލުމާ ގުޅިގެން ޕެސިފިކް ސުނާމީ ވޯނިން ސެންޓަރުން ވަނީ ކުރިއަށް އޮތް ތިން ގަޑިއިރު ތެރޭ ބިންހެލުން އައި ސަރަހައްދަށް ސުނާމީއެއް އަރާފާނެ ކަމުގެ އިންޒާރު ދީފަ އެވެ.
ޕަޕުއާ ނިއު ގިނީގެ އިތުރުން ސުނާމީއެއް އަރާފާނެ ކަމުގެ ނުރައްކާ އޮތް ގައުމުތަކުގެ ތެރޭގައި އެސެންޓަރުން ފާހަގަކޮށްފައިވާ ގައުމުތަކުގެ ތެރޭގައި އިންޑޮނޭޝިއާ، ސޮލޮމޮން އައިލެންޑްސް، ވަނުއަޓޫ އަދި ނައުރޫ ހިމެނެ އެވެ.
އެބިންހެލުމުގެ ސަބަބުން ރާއްޖެއަށް ނުރައްކަލެއް ނެތް ކަމަށް މޯލްޑިވްސް މީޓިއޮރޮލޮޖިކަލް ސާވިސްއިން ވަނީ ބުނެފަ އެވެ.