22 Feb 2017, 16:07
ރާއްޖެއަށް އެންމެ ފުރިހަމަ ގޮތުގައި ތަރައްގީ ގެނައުމަށް ހުރިހާ ދާއިރާތަކެއްގައި ހަރަކާތްތެރިވާ ފަރާތްތަކަކުން ވެސް އެހީތެރިކަމާއި އެއްބާރުލުން ދެއްވުމަށް ރައީސުލްޖުމްހުރިއްޔާ އަބްދުﷲ ޔާމީން އަބްދުލް ޤައްޔޫމް އެދިވަޑައިގަނެފި އެވެ.
ޕީޕީއެމާ އަލަށް ގުޅުނު މެމްބަރުންގެ ފޯމްތަކާ ހަވާލުވެވަޑައިގަތުމަށް ސްޓެލްކޯގައި މިއަދު މެންދުރުފަހު ބޭއްވި ރަސްމިއްުޔާތެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރާއްޖެއަށް ތަރައްގީ ގެނައުމަށް އެބޭފުޅުން ކުރައްވާ މަސަތްކަތުގައި ވަރަށް ގިނަ ފަރަތްތަކެއް ޝާމިލްވާ ކަމަށެވެ.
"ސީޔާސީ މަސަތްކަތެއްގެ ތެރެއިން ނޫނިއްޔާ އަޅުގަނޑުމެނަށް އިގްތިސާދީ ކަމެއް ވެސް އިޖުތިމާއީ ކަމެއް ވެސް އަދި ކީއްކުރަންތޯ ރަށެއްގެ މަދަރުސާގެ ޓީޗަރެއްގެ ކަންތައް ވެސް ހަމަޖެހިގެން ދާއިރު މި ހުރިހާ ދިމާލެއްގެ އެހީތެރިކަން އަޅުގަނޑުމެން ބޭނުންވޭ،" ރައީސް ޔާމީން ވިދާޅުވި އެވެ.
ރައީސް ވިދާޅުވީ އެ ބޭފުޅާއާއެކު މަސައްކަތް ކުރައްވާ ވަޒީރުންގެ މަޖިލީހުގެ މެމްބަރުންގެ އިތުރުން ރައްޔިތުންގެ މަޖިލީހުގެ މެމްބަރުން ކުރައްވާ މަސަތްކަތަކީ އެބޭފުޅުން ގަބޫލުކުރައްވާ ތަރައްގީ ރާއްޖެއަށް ގެނެވޭތޯ ކުރާ މަސައްކަތް ކަމަށެވެ.
"ސަރުކާރެއް އުފެއްދުމަށް އޭރު ކުރި މަސަތްކަތްތަކުގެ ތެރޭގައި ރައްޔިތުންނަށް ދަތިވެފައިހުރި އަޅުގަނޑުމެނަށް ފާހަގަވެފައި ހުރި ކަންތައްތަށް އަޅުގަނޑުމެންގެ ވިސްނުމުގައި އެކަންކަން ހައްލު ކުރާނެ ގޮތްތަކެއް ކަނޑައަަޅައި ދިނިން. އެކަންކަން ވާނީ މެނިފެސްޓޯއެއްގެ ސިފާގައި ގެނެސްދީފައި،" ރައީސް ޔާމީން ވިދާޅުވި އެވެ.
ރައީސް ވިދާޅުވީ ޕީޕީއެމްގެ މެނިފެސްޓޯގައި ހިމަނާފައިވާ ތަރައްގީގެ ގިނަ މަޝްރޫއުތައް ފުރިހަމަ ކުރެވެން އޮތީ ވަރަށް ގިނަ ފަރާތްތަކެއްގެ އެއްބާރުން ލިބިގެން ކަމަށާއި އޭގެތެރެއިން ކޮންމެ ކަމަކީވެސް ގިނަ ފައިސަ ހަރުދުވާނެ ކަންތައްތަކެއް ކަމަށެވެ.
"ބަޖެޓްގައި ފައިސާގެ އަދަދެއް ޖެހުމަކުނެއް އެ ފައިސާ އަހަރު ފެށޭއިރު ހުރުން ލާޒިމެއް ނޫން އަދި އަމުދުން އަހަރު ނިިމޭއިރު ހުރުން ވެސް ލާޒިމެއް ނޫން. އެ ފައިސާ ހޯދަން ކުރަން ޖެހޭ މަސަތްކަތް ސަރުކާރުން ކުރަން ޖެހޭ. އޭގެ ތެރޭގައި އާމްދަނީ އިތުރުކުރުމަށް ކުރަން ޖެހޭ ކަންތައްތަކެއް ހުންނާނެ،" ރައީސް ވިދާޅުވިއެވެ.