14 Mar 2017, 15:24
މިހާރު ހަލުވި ކަމާ އެކު ފެތުރެމުންދާ ރޯގާގެ ސަބަބުން މަކިޓާ އެޓޯލް ޖޫނިއަރ އެތުލެޓިކްސް ޗެމްޕިއަންޝިޕް ފަސްކޮށްފިއެވެ.
އެތްލެޓިކްސް އެސޯސިއޭޝަނުން މިއަދު ކޮށްފައިވާ އިއުލާނެއްގައި ބުނެފައިވަނީ އެ މުބާރާތް ފަސްކުރަން ނިންމީ މިހާރު އެޗްވަން އެންވަން ކާރިސާއާ ގުޅިގެން އެތްލީޓުންނާއި ޓީމުތަކުގެ އޮފިޝަލުންގެ ރައްކަލަކަށްޓަކައި ކަމަށެވެ.
އެ އިއުލާނުގައި ބުނެފައިވަނީ ކާރިސާގެ ހާލަތައް ބެލުމަށްފަހު މުބާރާތް ބާއްވަނެ ތާރީޚެއް ފަހުން އިއުލާން ކުރާނެ ކަމަށެވެ.
މަކިޓާ އެޓޯލް ޖޫނިއާރ އެތްލެޓީކްސް ޗެމްޕިއަންޝިޕް ކުރިއަށް ގެންދިޔުމަށް ކުރިން ނިންމާފައިވަނީ މިމަހުގެ 20-23 އަށެވެ. އެ މުބާރަތް އޮންނާނީ އައްޑޫ ސިޓީގައެވެ.
އެތްލެޓިކްސްގެ އިތުރުން މި މަހު ކުރިއަށް ރޭވިފައި ހުރި ގިނަ މުބާރަތްތަކެއްވަނީ ހަލުވި ކަމާއެކު ރޯގާ ފެތުރެމުންދާތީ ކެންސަލްކޮށްފައެވެ. އޭގެ ތެރޭގައި އިންޓަ ސްކޫލް ބެޑްމިންޓަން މުބާރާތާއި އިންޓަ ސްކޫލު ފުޓްބޯޅަ މުބާރާތްވެސް ހިމެނެއެވެ.