20 Jun 2017, 10:37
އިކުއެޑޯގައި ހަމަސް ވަންދެން ކުރި ދިރާސާއެއްގައި ހެދިބޮޑުވުމުގައި މައްސަލަޖެހިފައިވާ ކުދިންނަށް ދުވާލަކު އެއްބިސް ދިނުމަކީ ހެޔޮވަރުގެ އިސްކޮޅެއް އެކުދިންނަށް ލިބުމުގައި އެހީތެރިވެދޭ ކަމެއްކަން ހާމަވެއްޖެ އެވެ. މީގެ ތެރޭގައި ކުޑަކޮށް ނުވަތަ ހަރުވަންދެން ކައްކާފައިވާ ބިހާއި އަދި ބިސްގަނޑު ވެސް ހިމެނެ އެވެ.
ޖާރނަލް އޮފް ޕިޑިއޭޓްރިކިސް އާ ހަވާލާދީ ރިސާޗަރުން ބުނެފައިވާ ގޮތުގައި މިގޮތަށް ބިސް ޑައެޓްގައި ހިމެނުމަކީ ހެދިިބޮޑުވުމުގައި ދިމާވާ ހުރަސްތަކުން ދުރުކޮށްދޭކަމެކެވެ. ކުޑަކުދިންގެ ފުރަތަމަ ދެ އަހަރަކީ ހެދިބޮޑުވުމުގައި ވަރަށް މުހިންމު ދުވަސްވަރަކަށް ވާއިރު މިދުވަސްކޮޅު ލިބޭ ގެއްލުންތަކަކީ އިޔާދަ ނުކުރެވޭން ގެއްލުންތަކެކެވެ.
ހެދިބޮޑުވުމުގައި ކުޑަކުދިންނަށް ތަފާތު މައްސަލަތައް ދިމާވަނީ ކީއްވެ
ފައިދާ ހުރި ކާނާ ބޭނުން ނުކުރުމާއި އަދި ތަފާތު ބަލިތައްޖެހުމަކީ ކުޑަކުދިންނަށް ހެދިބޮޑުވުމުގައި ދިމާވާ އެންމެ ބޮޑު އެއް ގޮންޖެހުމެވެ. ދުނިޔޭގެ ސިއްހަތު ޖަމާއަތުން ބުނެފައިވާ ގޮތުގައި ފަސް އަހަރުން ދަށުގެ 155 މިލިއަން ކުޑަކުދިންނަކީ ހެދިބޮޑުވުމުގައި މައްސަލަތައް ޖެހި ހުންނަން ޖެހޭ ވަރަށް ވުރެ އިސްކޮޅުން ކުރު ކުދިންނެވެ. މީގެން ގިނަ ކުދިންނަކީ މެދުމިނުގެ އަދި އެންމެ ކުޑަކޮށް އާމްދަނީ ލިބޭ ގައުމުތަކުގެ ކުދިންނެވެ. ސިއްހީ މާހިރުން ދަނީ މިކަމުގައި އަޅާފިޔަވަޅުތައް ދިރާސާ ކުރަމުންނެވެ. މިދިރާސާގައި ރިސާޗަރުން ވަނީ އިކުއެޑޯގެ ރަށްފުށުގެ ހަމަހާއި ނުވަ މަހުގެ ކުދިންނަށް ހިލޭ ބިސް ދީ އަންނަ ބަދަލުތައް ދިރާސާކޮށްފަ އެވެ.
"ބިހަކީ ކޮންމެހެން ހަށިގަަނޑަށް ބޭނުންވާ އޭގައި ގިނަ ފައިދާތަކެއް ހިމެނޭ އެއްޗެއް. މިއިީ ގާތުން ދިނުން ހުއްޓާލުމަށް ފަހު ކޮންމެހެން ޑައެޓްގައި ހިމަނަ ޖެހޭ އެއްޗެއް. އެހެން ނަމަވެސް އެއީ ކުއްޖާއަށް ހަތަރު މަސް ވުމަށް ފަހު. އަދި ޖަރާސީމުތަކުން ދުރުކުރުމަށް ޓަކައި އެވާންޖެހޭނީ ރަނގަޅަށް ކައްކާފައިޗާ އެއްޗަކަށް،" ރޯޔަލް ކޮލެޖް އޮފް ޕީޑިއަޓްރިކްސް އެންޑް ޗައިލްޑް ހެލްތު ޕްރޮފެސަރ މޭރީ ފެއުޓްރެލް ވިދާޅުވި އެވެ.
ކުޑަކުދިން ރަނގަޅަށް ހެދި ބޮޑުވުމަށް ޓަކައި ޑަބްލިޔު އެޗްއޯ އިން އަބަދު ވެސް އިލްތިމާސް ކުރަނީ ހަ މަސް ވަންދެން ހަމަކަނިގާތުން ދިނުމަށެވެ. އަދި އެ އަށް ފަހު ރަނގަޅު ކާނާ ކުޑަކުދިން ދޭންފަށައި އަދި ދެ އަހަރު ވަންދެން ގާތުން ދޭށެވެ.