11 Jul 2017, 01:04
ދިވެހިންގެ ގައުމީ އެއާލައިން، މޯލްޑިވިއަންގެ ސޭލްސް ކޮންފަރެންސް އައްޑޫ ސިޓީގައި އިއްޔެ ބާއްވައިފިއެވެ.
"ބިލްޑިން ބްރިޖެސް ޓުގެދާ" ތީމުގެ ދަށުން މިއަދު ބޭއްވި އެ ކޮންފަރެންސުގައި 11 ޕީއެސްއޭ އަކުން 20 ފަރާތެއް ވަނީ ބައިވެރިވެފައެވެ. ކޮންފަރެންސު އޮތީ އައްޑޫ ސިޓީގެ ގަމުގައި ހުންނަ އީކުއޭޓާ ވިލެޖުގައެވެ.
މޯލްޑިވިއަނުން ބުނި ގޮތުގައި އެ ކޮންފަރެންސުގެ ތެރެއިން އެކުންފުނީގެ ސްޓާފުން ވަނީ ސޭލްސް ޓެކްނީކްސްތަކާ ގުޅޭ މައުލޫމާތު ހިއްސާކޮށް މަސައްކަތް ކުރާނެ އެންމެ ރަނގަޅު ގޮތާ ގުޅޭ ކްލާސްތަކެއް ނަގައިދީފައެވެ.
މޯލްޑިވިއަނުން އިންތިޒާމުކޮށްގެން ބޭއްވި އެ ކޮންފަރެންސަކީ އެކުންފުނިން މުޅިން އަލަށް ބޭއްވި ކޮންފަރެންސެކެވެ.