03 Aug 2017, 12:47
މި އަހަރުގެ ފުރަތަމަ ހަ މަސް ދުވަސް ނިމުނު އިރު މޯލްޑިވްސް ޓޫރިޒަމް ޑިވެލޮޕްމެންޓް ކޯޕަރޭޝަނަށް 13.9 މިލިޔަން ރުފިޔާގެ ފައިދާއެއް ލިބިއްޖެ އެވެ.
އެމްޓީޑީސީ އިން ނެރެފައިވާ އެކުންފުނީގެ މި އަހަރުގެ ދެވަނަ ކުއާޓަރުގެ މާލީ ރިޕޯޓު ދައްކާ ގޮތުން، އެކުންފުންޏަށް މި އަހަރުގެ ދެވަނަ ކުއާޓަރުގައި ލިބުނީ 1,094,785 ޑޮލަރު (16.8 މިލިޔަން ރުފިޔާ)ގެ އާމްދަނީއެކެވެ. ނަމަވެސް ޚަރަދުތައް ކެނޑުމަށް ފަހު ފައިދާގެ ގޮތުގައި މިކުއާޓަރުގައި ޖެހުނީ 434,655 ޑޮލަރު (6.7 މިލިޔަން ރުފިޔާ)އެވެ.
މިއަހަރުގެ ފުރަތަމަ ކުއާޓަރާއި ދެވަނަ ކުއާޓަރުގެ ޖުމްލައަށް ބަލާއިރު، ފައިދާގެ ގޮތުގައި އެމްޓީޑީސީއަށް ލިބިފައި ވަނީ 904،518 ޑޮލަރެވެ. އެއީ 13.9 މިލިޔަން ރުފިޔާ އެވެ.
އެމްޓީޑީސީ އިން މިވަގުތު ރިސޯޓު މަޝްރޫއުތަކަށް ބަލާއިރު، އެކުންފުނީގެ ތިން ރިސޯޓެއް އޮވެ އެވެ. އެއީ ބ. ކިވަހައް ހުރަވަޅީގައި މައިނާ އިންޓަނޭޝަނަލަށް ސަބްލީޒްކޮށްގެން ހިންގާ އަނަންތާރާ ކިހަވައް ވިލާސް، އަދި ގދ. މަގުދުވާގައި ތުރުކީގެ އަހްމަދު އައިދެނިޒް ގްރޫޕަށް ސަބްލީޒް ކޮށްގެން ހިންގާ އަޔާދާ މޯލްޑިވްސް ރިސޯޓެވެ.
މީގެ އިތުރުން ހދ. ނާގޯށީގައި ފަސް ތަރީގެ ރިސޯޓެއް އެޅުމުގެ މަސައްކަތް ވެސް ދަނީ ކުރިޔަށެވެ. އެމްޓީޑީސީ އިން ބުނެފައިވާ ގޮތުން، ނާގޯށި ތަރައްގީކުރުމުގެ 40 ޕަސަންޓު މަސައްކަތް މިހާރު ވަނީ ނިމިފަ އެވެ.