28 Sep 2017, 13:28
މާލެއާއި ހުޅުލެއާ ދެމެދު އަޅާ ބްރިޖާ އެކު ހުޅުލެއިން ހުޅުމާލެއަށް ދަތުރުކުރާ ހައިވޭ ހެދުމަށް ބިން ހިއްކުމުގެ މަސައްކަތް މިއަދު ފަށައިފިއެވެ.
ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވީ އެ ބިން ހިއްކުމުގެ މަސައްކަތް ހަތް ދުވަހާއި 10 ދުވަހާ ދެމެދުގެ މުއްދަތެއްގެ ތެރޭގައި ނިމޭނެ ކަމަށެވެ.
CMFB aa Hulhumale gulhuvaidhey highway hedhumah bin hikkun miadhu feshifai: 7-10 dhuvas therey hikkaa nimeyne.pic.twitter.com/HTNOdQ7dFR
— Dr.Mohamed Muizzu (@MMuizzu)September 28, 2017
ހުޅުލެއާއި މާލެއާއި ދޭތެރޭ އަޅާ ބުރިޖާއި ހުޅުމާލެ ގުޅުވާލަދޭ މަގު ހެދުމަށް ހައުސިން މިނިސްޓްރީން ހަވާލުކޮށްފައި ވަނީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އާ އެެވެ.
އެޗްޑީސީ އާ އެ މަސައްކަތް ހަވާލު ކުރުމަށް ބޭއްވި ރަސްމިއްޔާތުގައި މިނިސްޓަރު މުއިއްޒު ވިދާޅުވެފައި ވަނީ އެމަގުގެ މަސައްކަތް 2018 ވަނަ އަހަރުގެ އޭޕްރީލް މަހުގެ ނިޔަލަށް ނިންމާލެވޭނެ ކަމަށެވެ.