03 Oct 2017, 22:34
މަސަކައްކަތްތެރިންގެ މެދުގައި މުޅި ދުނިޔޭގައި އިތުބާރު ހޯދާފައިވާ މެޓާބޯގެ އުފެއްދުންތައް ވެލިގާ ހާޑްވެއާއިން ރާއްޖެއަށް ތައާރަފްކޮށްފިއެވެ.
އެ އުފެއްދުންތަށް ރާއްޖެއަށް ތައާރްފްކޮށްފައި ވަނީ އެކަމަށް މިއަދު ހަވީރު ޗަންޕާ ސެންޓުރަލް ހޮޓަލުގައި ބޭއްވުނު ހާއްސަ ރަސްމިޔާތެއްގައެވެ.
މޭޓާބޯއަކީ 1924 އަހަރުން ފެށިގެން އަބަދުވެސް ޒަމާނި އައު ގޮތްތައް ހޯދާ އީޖާދު ކުރަމުން އެކިކަންކަމަށް ބޭނުންކުރާ ކޮލިޓީ، ތަފާތު އެކި ފާޑުފާޑުގެ ސާމާނު އުފައްދަމުން އަންނަ ކުންފުންޔެއްކަމަށް ވެލިގާ ހާޑްވެއާއިން ބުންޏެވެ. އެ ގޮތުން ބަލާއިރު މެޓާބޯގެ އެމް ޕްލަސް ސިސްޓަމް، އަލްޓްރާ.އެމް ބެޓެރި ޓެކްނޮލޮޖީ، މެޓާބޯ މެރަތަން މޯޓަރު ފަދަ އީޖާދުތަކަކީ މި އުފެއްދުންތަށް ހާއްސަ ވާ ސަބަބުތަށް ކަމުގައިވެސް ވެލިގާ ހާޑްވެއާއިން ބުންޏެވެ.
މެޓާބޯގެ އުފެއްދުންތައް ވެލިގާ ހާޑްވެއާއިން ރާއްޖެއަށް ތައާރަފް ކުރުމުގެ ރަސްމިއްޔާތުގެ ތެރެއިން -- ފޮޓޯ/ ވެލިގާ ހާޑްވެއާ
ވެލިގާ ހާޑްވެއާއިން ބުނީ، މެޓާބޯއަކީ ދުނީޔޭގައި ބެޓެރި އާލާތް އުފެއްދުމަތް ނަން މަޝްހޫރު އަދި އެންމެ ގިނަ ބެޓެރި އާލާތްތައް އާންމުންނާއި ހަމައަށް ގެނެސްދީފައިވާ ބްރޭންޑް ކަމަށެވެ. އޭގެ ތެރޭގައި ފާހަގަކޮށްލެވޭ ބެޓެރި އާލާތްތަކަށް ބަލާއިރު ގްރޭންޑަރު، އެކި ފާޑުފާޑުގެ ބުރުމާ، ބުލޯވަރު، އެކި ވައްތަރު ވައްތަރުގެ ކީސް ހިމެނެއެވެ.
މެޓާބޯގެ ހުރިހާއުފެއްދުންތަކުގައި ވެސް ބޭނުންކޮށްފައިވާ މެޓާބޯގެ އަލްޓްރާ އެމް ބެޓެރި ޓެކްނޮލޮޖީގެ ސަބަބުން އާންމުކޮށް ބޭނުން ކުރާބެޓެރި އާލާތްތަކުގެ ބެޓެރިތަކާ އަޅާބަލާ އިރު މެޓާބޯގެ ބެޓެރިތަކަކީ %67 ބާރުގަދަ، %87 ގިނަ ވަގުތު ގެންގުޅެވޭ އަދި %100 އުމުރު ދިގު ބެޓެރިތަކެއްކަމަށް ވެލިގާ ހާޑްވެއާއިން ބުންޏެވެ.
ވެލިގާ ހާޑްވެއާގެ މުވައްޒަފުން މެޓާބޯގެ އުފެއްދުންތަކާއި ބެހޭގޮތުން މައުލޫމާތު ދެއްވަނީ --ފޮޓޯ/ ވެލިގާ ހާޑްވެއާ
އެ ހާޑްވެއާއިން ބުނީ، މެޓާބޯގެ ބެޓެރިއަށް ތިން އަހަރު ދުވަހުގެ ވޮރެންޓީ ލިބޭއިރު، އެއް ބެޓެރިއެއް މެޓާބޯގެ ހުރިހާ އުފެއްދުނަތަކަށް ބޭނުން ކޮއްލެވޭނެ ކަމަށެވެ.
މެޓާބޯގެ ޓޫލް އާއެކު އޭގެ ކޮންމެ އުފެއްދުމަށް ބޭނުން ވާނެ އެހެނިހެން އިތުރު ހުރިހާ ސާމާނެއްވެސް ވެލިގާ ހާޑްވެއާއިން މިހާރު ލިބެން ހުންނާނެ ކަމަށް އެ ހާޑްވެއާއިން ބުންޏެވެ. އޭގެ އިތުރުން އޭގެ ކޮންމެ އުފެއްދުމަކަށް ދިމާވާ ކޮންމެ މައްސަލައަކަށް ހައްލުހޯދާދިނުމުގެ ގޮތުން މެޓާބޯގެ ޓޫލްސްތަކަށް ހާއްސަ ސާވިސް ސެންޓަރެއް ގާއިމު ކޮށްފައިވާނެކަމަށް ވެސް އެ ހާޑްވެއާއިން ބުންޏެވެ.