އެއްދުވަހެއްގައި ރިޔާސީ އިންތިޚާބާއި މަޖިލިސް އިންތިޚާބު ބާއްވަނީ އެކަމަށް ކުރަންޖެހޭ ޚަރަދުތައް ބޮޑުވާތީ ކަމަށް މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފު ޢުމަރު ވިދާޅުވެއްޖެއެވެ.
މިނިސްޓަރު މިހެން ވިދާޅުވީ ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ.
އެގޮތުން އެ ބައްދަލުކުރެއްވުމުގައި ނޫސްވެރިއަކު ކުރި ސުވާލަކަށް ޖަވާބުދެއްވަމުން މިނިސްޓަރު ވިދާޅުވީ
ރިޔާސީ އިންތިޚާބާއި، ރައްޔިތުންގެ މަޖިލިހުގެ އިންތިޚާބު އެއްދުވަހެއްގައި ބޭއްވުމަކީ ރާއްޖޭގެ ހިންގުމަށް ހެޔޮ ބަދަލެއް އަންނާނެ ކަމެއް ކަމަށެވެ.
އެގޮތުން އެއްދުވަހެއްގައި ދެ އިންތިޚާބު ބާއްވަނީ އެކަމަށް ކުރަންޖެހޭ ޚަރަދުތައް ބޮޑުވާތީ ކަމަށް މިނިސްޓަރު ވަނީ ވިދާޅުވެފައެވެ.
"ދެ އިންތިހާބު އެއްދުވަހެއްގަ ބޭއްވުން.އެއްކޮށްލުމެއްނޫން..އެއްދުވަހެއްގަ ބޭއްވުމަށް މި ކުރެވޭ މަސައްކަތުގަ ހަގީގަތުގަ އިންތިހާބުތައް ބާއްވައިގެން ހަރަދު ހިނގާތީވެ އެ އެއްދުވަހެއްގަ އިންތިޚާބުތަކުގެ އެޑްމިނިސްޓްރޭޓިވް މަސައްކަތްތައް ފަސޭހަކުރުމަށް މި ބޭއްވޭ ބޭއްވުމަކީ ވަރަށް ހަރުދަނާ އޭގެ ސަބަބުން ރާާއްޖޭގެ ހިންގުމަށް ވަރަށް ހެޔޮ ބަދަލުތަކެއް އަންނާނެ ކަމެއް އަދި އޭގެ އިތުރުން ރާއްޖޭގަ ކެމްޕޭނު ފީވަރ ނުވަތަ ކެމްޕޭނު ދުވަސްވަރު މީހުން އެކަމަށް ހުސްވެގެން ތިބޭ ތިބުމުގެ ބަދަލުގައި ބިނާކުރުވަނިވި މަސައްކަތްތައް ކުރުމަށް އިތުރު ވަގުތު ލިބިގެންދާނެ ކަމެއް." މިނިސްޓަރު ވިދާޅުވިއެވެ.
މިގޮތުން އެއް ދުވަހު ދެ އިންތިޚާބު ބޭއްވުމަކީ ވަރަށް ހަރުދަނާ އަދި ރާއްޖޭގެ ހިންގުމަށް ހެޔޮ ބަދަލުތަކެއް އަންނާނެ ކަމެއްގެ ގޮތުގައި މިނިސްޓަރު ވަނީ ފާހަގަކުރައްވާފައެވެ.